ବ୍ରହ୍ମପୁର: : ଥମୁନି ବ୍ରହ୍ମପୁର ବିଶ୍ବବିଦ୍ୟାଶୟର ଛାତ୍ରୀ ନିର୍ଯ୍ୟାତନା ମାମଲା । ଗୋଟିଏ ପରେ ଗୋଟିଏ ବିଭାଗରେ ଛାତ୍ରୀଙ୍କୁ ନିର୍ଯ୍ୟାତନା ଘଟଣାର ଅଭିଯୋଗ ଫର୍ଦ୍ଦ ଖୋଲିବାରେ ଲାଗିଛି । ପ୍ରଥମେ ବିଶ୍ୱବିଦ୍ୟାଳୟର ଓଡିଆ ବିଭାଗର ଜଣେ ଛାତ୍ରୀଙ୍କୁ ନିର୍ଯ୍ୟାତନା ଦିଆଯିବା ନେଇ ସଂପୃକ୍ତ ଛାତ୍ରୀ ଜଣଙ୍କ ମୁହିଁ ଖୋଲିଥିଲେ । ଏପରିକି ଛାତ୍ରୀ ଜଣକ ଅଭିଯୋଗ କରିବା ପରେ ମଧ୍ୟ ଏଯାଏଁ କାର୍ଯ୍ୟାନୁଷ୍ଠାନ ହୋଇନାହିଁ । ଏବେ ଇତିହାସ ବିଭାଗରେ ଛାତ୍ରୀଙ୍କୁ ନିର୍ଯ୍ୟାତନା ଘଟଣା ସାମ୍ନାକୁ ଆସିଛି । ଇତିହାସ ସ୍ନାତକତ୍ତୋର ବିଭାଗ ପକ୍ଷରୁ ଛାତ୍ରୀ ମାନଙ୍କୁ କିପରି ସନ୍ଧ୍ୟା ସମୟରେ ଡକାଇ ନିର୍ଯ୍ୟାତନା ଦିଆଯାଉଛି ସେନେଇ ଛାତ୍ରୀ ଜଣକ କୁଳପତିଙ୍କୁ ଲିଖିତ ଭାବେ ଜଣାଇଛି । ସଂପୃକ୍ତ ଅଧ୍ୟାପକଙ୍କ ବିରୋଧରେ କାର୍ଯ୍ୟାନୁଷ୍ଠାନ ନେବାକୁ କୁଳପତି ପିଜି କାଉନସିଲ ଅଧ୍ୟକ୍ଷଙ୍କୁ ଏନେଇ ଚିଠି ଲେଖିଛନ୍ତି ।
ଛାତ୍ରୀଙ୍କ ଅଭିଯୋଗ ପତ୍ର ଜୁଲାଇ ୪ ତାରିଖରେ ବିଶ୍ୱବିଦ୍ୟାଳୟରେ ପହଞ୍ଚିଛି । ଅଭିଯୋଗରେ ଛାତ୍ରୀ ଜଣକ ଲେଖିଛନ୍ତି ''ଜଣେ ଗୁରୁ ଭଗବାନଙ୍କ ସହ ସମାନ ବୋଲି କୁହାଯାଉଛି ହେଲେ ବିଶ୍ୱବିଦ୍ୟାଳୟ ଇତିହାସ ବିଭାଗର ପ୍ରଫେସର ଜଣଙ୍କ ଅତ୍ୟନ୍ତ ଚାଲକରେ ଭୁଲ ପରେ ଭୁଲ କରି ଚାଲିଛନ୍ତି । ସଂନ୍ଧ୍ୟା ୭ ଟା ୮ ଯାଏଁ ଛାତ୍ରୀ ମାନେ କଣ ପାଇଁ ବିଭାଗର ଲାଇବ୍ରେରୀରେ ରୁହନ୍ତି ? ନରହିଲେ କୁହାଯାଏ ମାର୍କ କମିଯିବ । ପେପର ବ୍ୟାକ୍ ଲଗାଇବାର ଧମକ ବହୁତ ଥର ଦିଆଯାଇଥାଏ । ପିଲାମାନଙ୍କର ବ୍ୟକ୍ତିଗତ ଜୀବନରେ ଗୁରୁ ହସ୍ତକ୍ଷେପ କରିବା ଜରୁରୀ କି? ଏପରିକି ଇଁରାଜୀରେ Ancient History ପଢିପାରୁନଥିବା ଛାତ୍ରୀ କିପରି ପ୍ରଥମ ସେମିଷ୍ଟାରରେ ପ୍ରଥମ ସ୍ଥାନ ଅଧିକାର କଲେ" ବୋଲି ଏହି ଅଭିଯୋଗପତ୍ରରେ ଉଲ୍ଲେଖ କରାଯାଇଛି ।
