ବ୍ରହ୍ମପୁର: ଜାପାନ ୟକୋହମା ଜାହାଜରେ ଓଡିଆ ଯୁବ ଇଞ୍ଜିନିୟର । ଶିବାଶିଷଙ୍କୁ ତୁରନ୍ତ ଉଦ୍ଧାର ପାଇଁ ବୈଦେଶିକ ବ୍ୟାପର ମନ୍ତ୍ରଣାଳୟକୁ ଚିଠି ଲେଖିଲେ ବ୍ରହ୍ମପୁର ସାଂସଦ । ଜାପାନର ଏହି ଜାହାଜରେ ଫସି ରହିଥିବା ତଥା କୋରୋନା ଭାଇରସର ଆକ୍ରାନ୍ତ ହୋଇନଥିବା ନାଗରିକଙ୍କୁ ଉଦ୍ଧାର କରିସାରିଛି ଅଷ୍ଟ୍ରେଲିଆ ଓ ଆମେରିକା । ତେବେ ଶିବାଶିଷ ମଧ୍ୟ କୋରୋନା ମୁକ୍ତ, ତେଣୁ ତାଙ୍କୁ ଭାରତକୁ ଫେରାଇ ଆଣିବାକୁ ଚିଠିରେ ଲେଖିଛନ୍ତି ସାଂସଦ ଚନ୍ଦ୍ର ଶେଖର ସାହୁ ।
ଶିବାଶିଷ ଦିଲ୍ଲୀର ଗୁରଗାଁଓର ଏକ କମ୍ପାନୀରେ ସଫ୍ଟୱେୟାର ଇଞ୍ଜିନିୟର ଭାବେ କାର୍ଯ୍ୟରତ । ଗତ 10 ଜାନୁଆରୀରେ କାମ ପାଇଁ ସେ ଦିଲ୍ଲୀରୁ ମାଲେସିଆ ପରେ ମାଲେସିଆରୁ ଭିଏତନାମାରେ ପହଞ୍ଚିଥିଲେ । ଯେଉଁଠାରୁ ସେ ଡାଏମଣ୍ଟ ପ୍ରିନ୍ସସେସ ନାମକ ଜାହାଜରେ କାମ ପାଇଁ ବାହାରିଥିଲେ । ହେଲେ ହଠାତ କୋରୋନା ଭାଇରସ ଆତଙ୍କ ଯୋଗୁଁ ଜାପାନ ସରକାର ଜାହାଜକୁ ଅଟକାଇ ଦେଇଛନ୍ତି । ଦୀର୍ଘ 14 ଦିନ ଧରି ସେଠାରେ ରହିବା ସହ ଶିବାଶିଷଙ୍କ ନିକଟରେ କୋରୋନା ନେଗେଟିଭ ମିଳିଛି । ତେଣୁ ତାଙ୍କୁ ଉଦ୍ଧାର କରିବାକୁ ସେ ସୋସିଆଲ ମିଡିଆରେ ରାଜ୍ୟ ତଥା କେନ୍ଦ୍ର ସରକାରଙ୍କୁ ନିବେଦନ କରିଥିଲେ ।
ବ୍ରହ୍ମପୁରରୁ ସମୀର ଆଚାର୍ଯ୍ୟ, ଇଟିଭି ଭାରତ
