ରାଇରଙ୍ଗପୁର : ଶିମିଳିପାଳ ଅଭୟାରଣ୍ୟରୁ ଦୁଇ ଶିକାରୀ ଗିରଫ । ସମ୍ବର ସିଙ୍ଘ ସହ ମାଂସ ଜବତ କରିଛି ବନ ବିଭାଗ । ମୟୂରଭଞ୍ଜ ଜିଲ୍ଲା ଉତ୍ତର ଶିମିଳିପାଳ ବନ୍ୟପ୍ରାଣୀ ବନଖଣ୍ଡ ଅନ୍ତର୍ଗତ କେନ୍ଦୁମୁଣ୍ଡି ରେଞ୍ଜ ଅଞ୍ଚଳରେ ଦେଖିବାକୁ ମିଳିଛି ଏପରି କିଛି ଦୃଶ୍ୟ।
ଶିମିଳିପାଳ ଅଭୟାରଣ୍ୟରୁ ଦୁଇ ଶିକାରୀ ଗିରଫ
ଗତକାଲି ସନ୍ଧ୍ୟା ସମୟରେ ବନବିଭାଗ ପକ୍ଷରୁ ପାଟ୍ରୋଲିଂ ଚାଲୁଥିବାବେଳେ ଦୁଇ ଜଣ ଶିକାରୀଙ୍କୁ କାବୁ କରିଥିଲା ବନବିଭାଗ। ସେମାନଙ୍କ ନିକଟରୁ ଶିକାର ପାଇଁ ଉଦ୍ଦିଷ୍ଟ ଫାସ, ଧନୁତୀର, ତାର ଏବଂ ଦୁଇଟି ସମ୍ବର ସିଙ୍ଘ ଜବତ କରିବା ସହିତ କିଛି ମାଂସ ମଧ୍ୟ ଜବତ କରିଥିଲା ବନବିଭାଗ ।
ଗିରଫ ଦୁଇ ଜଣ ଶିକାରୀ ଲଛମନ କାଣ୍ଡେୟାନ ଏବଂ ସମା ମୁଣ୍ଡୁରୀ ବୋଲି ଜଣାପଡିଛି। ଜଣେ ଦେଲବେଡା ଏବଂ ଅନ୍ୟ ଜଣେ କାଶୀବେଡାର ବୋଲି ଜଣାପଡିଛି । ତେବେ ଉକ୍ତ ଘଟଣାରେ ଆଉ କେତେଜଣ ସଂପୃକ୍ତ ଅଛନ୍ତି ସେ ନେଇ ବନବିଭାଗ ଅଧିକ ତଦନ୍ତ ଜାରି ରଖିବା ସହିତ ଗିରଫ ଦୁଇଜଣଙ୍କୁ କୋର୍ଟ ଚାଲାଣ କରିଛି ।
ରାଇରଙ୍ଗପୁରର ସଞ୍ଜୟ କୁମାର ପରିଡା, ଇଟିଭି ଭାରତ
