ବାରିପଦା: ଦୀର୍ଘ ୯ ମାସ ପରେ ସର୍ବସାଧାରଣଙ୍କ ପାଇଁ ଖୋଲିଛି ଧର୍ମାନୁଷ୍ଠାନ । କୋଭିଡ ନିୟମ ଅନୁଯାୟୀ ରାଜ୍ୟର ସମସ୍ତ ଧର୍ମାନୁଷ୍ଠାନ ସର୍ବସାଧାରଣଙ୍କ ପାଇଁ ଖୋଲିଥିବା ବେଳେ ପୁରୀରେ ମହାପ୍ରଭୁଙ୍କ ଦର୍ଶନ ପାଇଁ କୋଭିଡ ନେଗେଟିଭ ରିପୋର୍ଟ ବାଧ୍ୟତାମୂଳକ କରିଛନ୍ତି ରାଜ୍ୟ ସରକାର ।
ପୁରୀରେ ମହାପ୍ରଭୁଙ୍କୁ ଶ୍ରଦ୍ଧାଳୁ ମାନେ କୋଭିଡ ନେଗେଟିଭ ରିପୋର୍ଟ ଦାଖଲ ପରେ ଦର୍ଶନ କରିପାରୁଛନ୍ତି । ତେବେ ରାଜ୍ୟ ସେବାୟତ ସଂଘର ସଭାପତି କମେଶ୍ୱର ତ୍ରିପାଠୀ ଏହାକୁ ବିରୋଧ କରି ଆଜି ଦ୍ବିତୀୟ ଶ୍ରୀକ୍ଷେତ୍ର ବାରିପଦାର ଶ୍ରୀ ଶ୍ରୀ ହରିବଳଦେବଜୀଉଙ୍କ ମନ୍ଦିର ପରିସରରେ ଏକ ସାମ୍ବାଦିକ ସମ୍ମିଳନୀରେ ସରକାରଙ୍କୁ ପ୍ରଶ୍ନ କରିଛନ୍ତି ।
ଭକ୍ତ ଓ ଭଗବାନଙ୍କ ମଧ୍ୟରେ କୋଭିଡ ନେଗେଟିଭ ରିପୋର୍ଟକୁ ବାଧ୍ୟତାମୂଳକ ନକରାଯାଉ, କେବେଳ କୋଭିଡ ଗାଇଡ଼ଲାଇନ ଅନୁଯାୟୀ ଭକ୍ତ ମହାପ୍ରଭୁଙ୍କୁ ଦର୍ଶନ କରନ୍ତୁ ବୋଲି ସେ କହିଛନ୍ତି । ଅନ୍ୟପକ୍ଷରେ ଶ୍ରଦ୍ଧାଳୁ କୋଭିଡ ନେଗେଟିଭ ରିପୋର୍ଟକୁ ଜାଲିଆତି କରି ମହାପ୍ରଭୁଙ୍କୁ ଦର୍ଶନ କରୁଥିବା ନଜରକୁ ଆସୁଛି ଯାହା କୋଭିଡ ନେଗେଟିଭ ରିପୋର୍ଟର ମାନେ କିଛି ରହୁନାହିଁ । ରାଜ୍ୟ ସରକାର ଏଥିପ୍ରତି ତୁରନ୍ତ ପଦକ୍ଷେପ ନନେଲେ ରାଜ୍ୟ ସେବାୟତ ସଙ୍ଘ ଆଗକୁ ଆନ୍ଦୋଳନ କରିବ ବୋଲି ଚେତାବନୀ ଦେଇଛି ।
ମୟୂରଭଞ୍ଜରୁ ମୃତ୍ୟୁଞ୍ଜୟ ସେନାପତି, ଇଟିଭି ଭାରତ
