ବାରିପଦା: ମୟୂରଭଞ୍ଜ ଜିଲ୍ଲା ବାରିପଦା ଟାଉନ ଥାନା ଓ ସଦର ଥାନା ପୁଲିସ ପକ୍ଷରୁ ୩ଟି ପିକଅପରେ ବେଆଇନ ଭାବେ ଚାଲାଣ ହେଉଥିବା ୩୦ଟି ଗୋରୁଙ୍କୁ ଉଦ୍ଧାର କରାଯିବା ସହ ଚାରି ଜଣଙ୍କୁ ଗିରଫ କରାଯାଇଛି ଏବଂ ୩ଟି ପିକଅପ ଜବତ କରିଛି ।
ସୂଚନା ଅନୁଯାୟୀ ବାରିପଦା ସଦର ଥାନା ପୁଲିସ ପକ୍ଷରୁ ସ୍ଥାନୀୟ ଶାଗୁଣାବସା ଗାଁ ନିକଟ ଛକରେ ଦୁଇଟି ପିକ ଅପରେ ନିଆଯାଉଥିବା ୨୦ଟି ଗୋରୁଙ୍କୁ ଉଦ୍ଧାର କରିବା ସହ ଦୁଇ ଜଣ ଗାଡି ଚାଳକ ବାବୁଲା ମହାନ୍ତ ଓ ସୁନୀଳ ସାହୁଙ୍କୁ ଗିରଫ କରିଛି । ସେହିପରି ଟାଉନ ଥାନା ଅନ୍ତର୍ଗତ କୃଷ୍ଣଚନ୍ଦ୍ର ସର୍କଲରେ କେଶରିଆ ହିନ୍ଦୁ ପରିଷଦ ପକ୍ଷରୁ ଗୋଟିଏ ପିକଅପରେ ୧୦ ଟି ଗୋରୁ ଚାଲାଣ ହେଉଥିବା ବେଳେ ଅଟକ ରଖି ପୋଲିସ କୁ ଖବର ଦେଇଥିଲେ । ଟାଉନଥାନା ପୋଲିସ ପିକଅପ ସହ ଗୋରୁ ଜବତ କରିଛି। ପିକ ଅପ ଚାଳକ ଦିଲ୍ଲୀପ ବେହେରା ଓ ସହଯୋଗୀ ପଦ୍ମଲୋଚନ ମହାନ୍ତଙ୍କୁ ଟାଉନ ଥାନା ପୋଲିସ ଗିରଫ କରିଛି।
ତେବେ ମୟୂରଭଞ୍ଜ ଜିଲ୍ଲାରୁ ପ୍ରତ୍ୟେକ ଦିନ ବେଆଇନ ଭାବେ ଗୋରୁ ଚାଲାଣ ରୋକିବାକୁ ବିଭିନ୍ନ ମହଲରୁ ଦାବି ହେଉଛି ।
ମୟୁରଭଞ୍ଜରୁ ମୃତ୍ୟୁଞ୍ଜୟ ସେନାପତି, ଇଟିଭି ଭାରତ
