ବାଲେଶ୍ଵର: ବାତ୍ୟା ୟସର ମୁକାବିଲା ପାଇଁ ବାଲେଶ୍ଵର ଜିଲ୍ଲା ପ୍ରଶାସନ ପ୍ରସ୍ତୁତ ଥିବା ବେଳେ ଜନସାଧାରଣଙ୍କୁ ସରକାରୀ ନିର୍ଦ୍ଦେଶ ମାନିବାକୁ ଜିଲ୍ଲାପାଳ ଏବଂ ଏସପି ଅନୁରୋଧ କରିଛନ୍ତି । ବାତ୍ୟାର ମୁକାବିଲା ପାଇଁ ସମସ୍ତ ବିଭାଗକୁ ତତ୍ପର ରହିବା ପାଇଁ ନିର୍ଦ୍ଦେଶ ହୋଇଛି । ସେହିପରି ଓଡ୍ରାଫ ଏଵଂ ଏନଡିଆରଏଫ ଟିମ ମଧ୍ୟ ସଜାଗ ରହିଛନ୍ତି ।
ସ୍ଥାନାନ୍ତର ପ୍ରକ୍ରିୟାରେ ଲୋକଙ୍କ ସହଯୋଗ ଲୋଡିଲେ ଜିଲ୍ଲାପାଳ ଓ ଏସପି
କଚ୍ଚା ଘରେ ଥିବା ଲୋକଙ୍କୁ ସନ୍ଧ୍ୟା ସୁଦ୍ଧା 140 ଟି ବାତ୍ୟା ଆଶ୍ରୟସ୍ଥଳୀକୁ ସ୍ଥାନାନ୍ତର କରାଯିବ । ଏଥିପାଇଁ ଲୋକମାନେ ନିଜ ଆଡୁ ସ୍ଥାନାନ୍ତର ପ୍ରକ୍ରିୟାରେ ପ୍ରଶାସନକୁ ସହଯୋଗ ପାଇଁ ନିବେଦନ କରାଯାଇଛି ।
ପୋଲିସ ଓ ତହସିଲ କର୍ମଚାରୀମାନେ ମିଳିତ ଭାବେ ସ୍ଥାନାନ୍ତର ପ୍ରକ୍ରିୟାକୁ ତ୍ୱରାନ୍ୱିତ କରିବେ ବୋଲି ଜଣାପଡିଛି । ସେହିପରି ବିପତ୍ତି ବେଳେ କଳାବଜାରୀ ରୋକିବା ପାଇଁ ଜିଲ୍ଲା ଯୋଗାଣ ଅଧିକାରୀଙ୍କୁ ମଧ୍ୟ ନିର୍ଦ୍ଦେଶ ଦିଆଯାଇଥିବୀ ନେଇ ସୂଚନା ମିଳିଛି ।
ବାଲେଶ୍ଵରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ
