ବାଲେଶ୍ବର: ଜିଲ୍ଲା ସିମୁଳିଆ ଥାନା କ୍ଷୀରକୋଣା ପଞ୍ଚାୟତ ନରଣପୁର ଗ୍ରାମର ଜଣେ ଛାତ୍ରୀ ଆମ୍ବୁଲାନ୍ସ ସୁବିଧାରୁ ବଞ୍ଚିତ ହୋଇ ଶ୍ବାସରୁଦ୍ଧ ହୋଇ ମୃତ୍ୟୁବରଣ କରିଥିବା ଅଭିଯୋଗ ହୋଇଛି ।
ସୂଚନା ଅନୁସାରେ, ରମେଶ ମଲ୍ଲିକଙ୍କ ଝିଅ ଲତାଙ୍କର ଶନିବାର ରାତିରେ ଛାତି ଯନ୍ତ୍ରଣା ହେବାରୁ ପରିବାର ଲୋକେ ପ୍ରଥମେ କ୍ଷୀରକୋଣା ଓ ପରେ ସିମୁଳିଆ ମେଡିକାଲକୁ ଆଣିଥିଲେ । ସିମୁଳିଆ ମେଡିକାଲରେ ଲତାଙ୍କ ଦେହ ଅଧିକ ଖରାପ ହେବାରୁ ତାଙ୍କୁ ଭଦ୍ରକ ନେବା ପାଇଁ ଡାକ୍ତର ପରାମର୍ଶ ଦେଇଥିଲେ । ଲତାଙ୍କୁ ଭଦ୍ରକ ନେବାପାଇଁ 108 ଆମ୍ବୁଲାନ୍ସକୁ ଫୋନ କରିଥିଲେ ମଧ୍ୟ ଆମ୍ବୁଲାନ୍ସ ପହଞ୍ଚି ନଥିବା ଅଭିଯୋଗ ହୋଇଛି ।
ଆମ୍ବୁଲାନ୍ସ ନଆସିବାରୁ ଛାତ୍ରୀ ମୃତ୍ୟୁ ଅଭିଯୋଗ
ତେବେ ସଠିକ୍ ସମୟରେ ଆମ୍ବୁଲାନ୍ସ ନଆସିବାରୁ ଲତା ମୃତ୍ୟୁବରଣ କରିଥିବା ଅଭିଯୋଗ ହୋଇଛି । ଏହାକୁ ନେଇ ରାଜନୀତି ଗରମ ହୋଇଥିବା ଦେଖିବାକୁ ମିଳିଛି ।
ବାଲେଶ୍ବରରୁ ଜୀବନଜ୍ୟୋତି ନାୟକ, ଇଟିଭି ଭାରତ
