ବାଲେଶ୍ବର: ପୁଣି ଜିଲ୍ଲାରେ ଦେଖିବାକୁ ଜନନୀ ଯନ୍ତ୍ରଣାର ନଗ୍ନ ଚିତ୍ର । ଏଭଳି ଘଟଣା ଦେଖିବାକୁ ମିଳିଛି ବାଲେଶ୍ବର ଜିଲ୍ଲା ଅଧିନ ଲୋକନାଥପୁର ଗ୍ରାମରେ । ଅଞ୍ଚଳରେ ରାସ୍ତାର ଅବସ୍ଥା ଶୋଚନୀୟ ହୋଇ ପଡିଥିବାରୁ ଗାଁ ଭିତରକୁ ଆମ୍ବୁଲାନ୍ସ ପଶି ପାରିବା ନଥିବା ଦେଖିବାକୁ ମିଳିଛି ।
ସୂଚନାନୁସାରେ ଗ୍ରାମର ସୋନାରାମ ମୁର୍ମୁଙ୍କ ସ୍ତ୍ରୀ ସାନିଆଙ୍କର ପ୍ରସବ ଯନ୍ତ୍ରଣା ହେବାରୁ ପରିବାର ଲୋକେ ଜନନୀ ଏକ୍ସପ୍ରେସକୁ ଖବର ଦେଇଥିଲେ ମାତ୍ର ଜନନୀ ଏକ୍ସପ୍ରେସ ଗାଁକୁ ରାସ୍ତା ନଥିବାରୁ ଯାଇ ନପାରି ଗାଁ ଠାରୁ ୨ କିଲୋମିଟର ଦୂରରେ ଅଟକି ରହିଥିଲା ଆମ୍ବୁଲାନ୍ସ ।
ଏହି ଘଟଣାରେ ସ୍ଥାନୀୟ ବାସିନ୍ଦାଙ୍କ ସହାୟତାରେ ପସୂତୀ ଜଣକ ଖଟିଆ ସାହାର୍ଯ୍ୟରେ ବୁହା ହୋଇଥିଲେ । ଆଉ ଶେଷରେ ପ୍ରସବ ବେଦନା ସହି ନପାରି ରାସ୍ତାରେ ଜନ୍ମ ନେଇଛି ଶିଶୁ । ପରେ ମାଆ ଏବଂ ଶିଶୁ ପୁତ୍ରକୁ ଆମ୍ବୁଲାନ୍ସ ଯୋଗେ ଡାକ୍ତରଖାନାକୁ ନିଆଯାଇଥିଲା ।
ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ
