ବାଲେଶ୍ବର: ଜଳେଶ୍ବରର କଦରାୟାଁର 2ଟି ବୁଥରେ ଆରମ୍ଭ ହୋଇଛି ସାନି ମତଦାନ । 187 ନମ୍ବର ବୁଥ୍ ଓ 189 ନମ୍ବର ବୁଥ୍ରେ ଚାଲିଛି ସାନି ଭୋଟ ଗ୍ରହଣ । ପୋଲିସ ଫୋର୍ସ ମୁତୟନରେ ଶାନ୍ତିଶୃଙ୍ଖଳାର ସହ ଭୋଟ ଦେଉଛନ୍ତି ମତଦାତା ।
ଭିଡିଓ ସୌଜନ୍ୟ: ସମ୍ବାଦଦାତା, ବାଲେଶ୍ବର
ସୂଚନା ଥାଉକି, ଏହି ଦୁଇଟି ବୁଥ୍ରେ ରାଗିଂର ଅଭିଯୋଗ ହୋଇଥିବାରୁ ସାନି ମତଦାନ କରାଯାଉଛି । ତେବେ ବର୍ତ୍ତମାନ ରମଜାନ ମାସ ଚାଲିଥିବାରୁ ପୁଣି ଥରେ ଭୋଟକୁ ନେଇ ନିଜର ନିରାଶ ଭାବ ପ୍ରକାଶ କରିଛନ୍ତି ମତଦାତା ।
ସେପଟେ ଭୋଟକୁ ଶାନ୍ତିଶୃଙ୍ଖଳାର ସହ କରିବା ପାଇଁ ଅତିରିକ୍ତ ଆରକ୍ଷୀ ଅଧିକାରୀ, ଜଣେ ଡିଏସପି, ଦୁଇଜଣ ଆଇଆଇସିଙ୍କ ସହିତ 2 ପ୍ଲାଟୁନ ପୋଲିସ ଫୋର୍ସ ଓ ସିଆରପିଏଫର ଗୋଟିଏ ସେକ୍ସନ ମୁତୟନ ହୋଇଛନ୍ତି । ଏହା ସହ ବୁଥ୍ରେ ଜିଲ୍ଲା ପର୍ଯ୍ୟବେକ୍ଷକ ସହିତ ବହୁ ବରିଷ୍ଠ ଅଧିକାରୀ ଉପସ୍ଥିତି ରହି ପରିସ୍ଥିତି ଅନୁଧ୍ୟାନ କରୁଛନ୍ତି । ତେବେ ଦିନ 10 ଟା ସୁଦ୍ଧା 10 ପ୍ରତିଶତ ମତଦାନ ହୋଇଥିବା ସୂଚନା ମିଳିଛି ।
ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ
