ବାଲେଶ୍ବର: ଅବ୍ୟବସ୍ଥା ଘେରରେ ସରକାରୀ ହସ୍ପିଟାଲ । ତେବେ ଶନିବାର ଦିନ ସାରା ବିଦ୍ୟୁତ କାଟକୁ ନେଇ ଅସନ୍ତୋଷ ପ୍ରକାଶ କରିଛନ୍ତି ରୋଗୀ । ବାଲେଶ୍ବର ଫକୀର ମୋହନ ହସ୍ପିଟାଲର ପିଡି ଚକ୍ଷୁ ୱାର୍ଡରେ ବିଦ୍ୟୁତ କାଟ ଯୋଗୁଁ ଚିକିତ୍ସାରୁ ବଞ୍ଚିତ ହୋଇଛନ୍ତି ରୋଗୀ ।
ଭିଡିଓ ସୌଜନ୍ୟ: ସମ୍ବାଦଦାତା
ଦୂରଦୁରାନ୍ତରୁ ଆସିଥିବା ଚକ୍ଷୁ ରୋଗୀ ବିଦ୍ୟୁତ ନଥିବାରୁ ପରୀକ୍ଷା ହୋଇପାରିନଥିଲା । ଯାହାକୁ ନେଇ ବେଶ କିଛି ସମୟ ଓପିଡିରେ ରୋଗୀଙ୍କ ମଧ୍ୟରେ ଅସନ୍ତୋଷ ଦେଖିବାକୁ ମିଳିଥିବା । ତେବେ ଗତ 3 ଦିନ ଧରି ଏମିତି ବୈଦ୍ୟୁତିକ ସମସ୍ୟା ରହୁଥିବାର ମଧ୍ୟ ଅଭିଯୋଗ ହୋଇଛି ।
ତେବେ ଏଠି, ପ୍ରଶ୍ନ ଉଠୁଛି ‘ମୋ ସରକାର’ ମାଧ୍ୟମରେ ସରକାର ଘନ ଘନ ହସ୍ପିଟାଲ ପରିଦର୍ଶନ କରୁଛନ୍ତି । କିନ୍ତୁ ସୁଧୁରି ପାରୁନି ସରକାରୀ ହସ୍ପିଟାଲର ବାସ୍ତବ ଚିତ୍ର ।
ବାଲେଶ୍ବରରୁ ଜୀବନ ଜ୍ୟୋତି ନାଏକ, ଇଟିଭି ଭାରତ
