ଅଧାରେ ରହିଲା ଦର୍ଶନ, ତ୍ରୀର୍ଥଯାତ୍ରୀ ବସ ଓଲଟି 30 ଆହତ

ବାଲେଶ୍ୱର ଜିଲ୍ଲା ସୋର ଥାନା ତଳନଗରଠାରେ ଏକ ତ୍ରୀର୍ଥଯାତ୍ରୀ ବସ ଦୁର୍ଘଟଣାଗ୍ରସ୍ତ ହୋଇଛି । 30ରୁ ଊର୍ଦ୍ଧ୍ଵ ଯାତ୍ରୀ ଆହତ ହୋଇଥିବାବେଳେ 14 ଯାତ୍ରୀ ଗୁରୁତର ହୋଇଛନ୍ତି । ଅଧିକ ପଢନ୍ତୁ

ବାଲେଶ୍ବର: କେତେ ଖୁସିରେ ଘରୁ ବୁଲିବାରୁ ବାହାରିଥିଲେ । ଜଗାକୁ ଦର୍ଶନ କରିବେ ହେଲେ ଘଟିଗଲା ଅଘଟଣ । ପଶ୍ଚିମବଙ୍ଗ ଦକ୍ଷିଣ ଚବିଶପ୍ରଗଣାରୁ ପୁରୀ ଜଗନ୍ନାଥ ଦର୍ଶନ ପାଇଁ ବାହାରିଥିବା ତ୍ରୀର୍ଥଯାତ୍ରୀ ମମତାଜ ନାମକ ବସ୍ ବାଲେଶ୍ବର ଜିଲ୍ଲା ସୋର ଥାନା ତଳନଗରଠାରେ ଦୁର୍ଘଟଣାଗ୍ରସ୍ତ ହୋଇଛି ଫଳରେ 30ରୁ ଉର୍ଦ୍ଧ୍ଵ ଯାତ୍ରୀ ଆହତ ହୋଇଛନ୍ତି । ସେମାନଙ୍କ ମଧ୍ୟରୁ 14 ଜଣଙ୍କ ଅବସ୍ଥା ଗୁରୁତର ରହିଛି । ବସରେ ପାଖାପାଖି 100 ଯାତ୍ରୀ ଥିଲେ । ସମସ୍ତଙ୍କୁ ସୋର ମେଡିକାଲରେ ଭର୍ତ୍ତି କରାଯାଇଛି ।

ପର୍ଯ୍ୟଟକ ବସ ଓଲଟି 30 ଆହତ

ବସ୍‌ଟି ତ୍ରୀର୍ଥଯାତ୍ରୀଙ୍କୁ ନେଇ ପଶ୍ଚିମବଙ୍ଗ ଜିଲ୍ଲା ଚବିଶପ୍ରଗଣା ଅଞ୍ଚଳରୁ ପୁରୀ ଅଭିମୁଖେ ଆସୁଥିଲା । ତଳନଗର ଛକ ନିକଟରେ ବସ୍‌ଟି ଭାରସାମ୍ୟ ହରାଇ ରାସ୍ତାକଡ଼କୁ ଓଲଟି ପଡ଼ିଥିଲା । ଯାତ୍ରୀମାନେ ବସ ଭିତରେ ଫସି ରହିଥିଲେ । ଖବର ପାଇ ସୋର ପୋଲିସ, ଦମକଳ କର୍ମଚାରୀ ଓ ଆଦର୍ଶ ଯୁବ ପରିଷଦର ସଦସ୍ୟ ଓ ହେଲପିଙ୍ଗ ହେଣ୍ଡସ ସଦସ୍ୟମାନେ ଯାତ୍ରୀଙ୍କୁ ଉଦ୍ଧାର କରି ସୋର ମେଡିକାଲରେ ଭର୍ତ୍ତି କରିଛନ୍ତି । 30ରୁ ଅଧିକ ଯାତ୍ରୀ ଆହତ ହୋଇଥିବା ବେଳେ 14ଜଣଙ୍କ ଅବସ୍ଥା ଗୁରୁତର ରହିଛି । ଡ୍ରାଇଭରର ନିଦ ଲାଗିଯିବାରୁ ଦୁର୍ଘଟଣା ଘଟିଥିବା ଅନୁମାନ କରାଯାଉଛି ।

ଇଟିଭି ଭାରତ, ବାଲେଶ୍ବର