ଚେକିଂ ବେଳେ ନୀଳଗିରି ତହସିଲଦାର ଅଟକ

ମାତ୍ରାଧିକ ଜୋରିମାନା ଓ ପରମିଟ ଥାଇ ମଧ୍ୟ ଗାଡିକୁ ଫାଇନ କରିବା ପ୍ରତିବାଦରେ ଗାଡି ମାଲିକ ଓ ଶ୍ରମିକ ନୀଳିଗିରି ତହସିଲଦାରଙ୍କୁ ଅଟକ ରଖିବା ସହ ସହ ବାଲେଶ୍ଵର-ଉଦଳା ରାସ୍ତାକୁ ଅବରୋଧ କରିଥିଲେ।

ବାଲେଶ୍ଵର: ଉଦଳା ରାସ୍ତା ମଛୁଆ ନିକଟରେ ନୀଳଗିରି ତହସିଲଦାର ସୁଶ୍ରୀତା ଟୁଡୁଙ୍କୁ ଅଟକ ରଖିଛନ୍ତି ଅଞ୍ଚଳବାସୀ। ଗାଡି ଚେକିଂ ବେଳେ ଏକ ବାଲି ବୋଝେଇ ଗାଡିକୁ ଅଟକ ରଖିବା ନେଇ ଆରମ୍ଭ ଦେଖାଦେଇଥିଲା ଉତ୍ତେଜନା। ମାତ୍ରାଧିକ ଜୋରିମାନା ଓ ପରମିଟ ଥାଇ ମଧ୍ୟ ଗାଡିକୁ ଫାଇନ କରିବା ପ୍ରତିବାଦରେ ଗାଡି ମାଲିକ ଓ ଶ୍ରମିକ ତହସିଲଦାରଙ୍କୁ ଅଟକ ରଖିଥିଲେ। ଏହାସହ ବାଲେଶ୍ଵର ଉଦଳା ରାସ୍ତା ରୋକ କରାଯାଇଥିଲା। ଘଟଣାସ୍ଥଳରେ ନୀଳଗିରି ଉପଜିଲ୍ଲାପାଳ ପହଞ୍ଚିଥିବା ବେଳେ ସେଠାରେ ବ୍ୟାପକ ପୋଲିସ ଫୋର୍ସ ମୁତୟନ କରାଯାଇଛି।

ବାଲେଶ୍ବରରୁ ଜୀବନଜ୍ୟୋତି ନାୟକ, ଇଟିଭି ଭାରତ