ବାଲେଶ୍ବର: ଜିଲ୍ଲା ସୋର ଥାନା ତେଣ୍ଟେଇ ପଞ୍ଚାୟତର ସରପଞ୍ଚ ପ୍ରଫୁଲ ମହାନ୍ତିଙ୍କୁ ଜଣେ ଯୁବକ ଲୁହାରଡ଼ରେ ଆକ୍ରମଣ କରିଥିବା ଅଭିଯୋଗ ହୋଇଛି । ଏହି ଆକ୍ରମଣରେ ସେ ଗୁରୁତର ଆହତ ହୋଇ ଚିକିତ୍ସିତ ହେଉଥିବା ଜଣାପଡ଼ିଛି । ସେପଟେ ଆକ୍ରମଣକାରୀଙ୍କୁ ସ୍ଥାନୀୟ ଲୋକେ କାବୁ କରି ଥାନାରେ ଜିମା ଦେଇଛନ୍ତି ।
ସରପଞ୍ଚ ଗୁରୁତର ଆହତ ହୋଇ ପ୍ରଥମେ ଅନନ୍ତପୁର ମେଡିକାଲ ପରେ ବାଲେଶ୍ବର ଜିଲ୍ଲା ମେଡିକାଲକୁ ସ୍ଥାନାନ୍ତର ହୋଇଥିବା ଜଣାପଡି଼ଛି । ଅଭିଯୋଗ ଅନୁସାରେ ବୁଧବାର ସନ୍ଧ୍ୟା ସମୟରେ ସରପଞ୍ଚ ଗାଁର ଗୋଟିଏ ଘଟଣାର ସମାଧାନ କରିଥିଲେ। ତେଣ୍ଟେଇ ଛକରେ ସେହି ଗାଁର କାଶୀନାଥ ମଳିକଙ୍କ ପୁଅ ଶ୍ରୀଧର ମଳିକ ଗୋଟିଏ ରଡ଼ରେ ସରପଞ୍ଚଙ୍କ ମୁଣ୍ଡକୁ ପିଟି ଦେଇଥିଲା ।
ଘଟଣା ଘଟିବା ସ୍ଥାନରେ ନିକଟରେ ଥିବା ଲୋକମାନେ ତୁରନ୍ତ ଅନନ୍ତପୁର ମେଡିକାଲକୁ ନେଇଥିଲେ । ଆକ୍ରମଣର ଶିକାର ହୋଇଥିବା ସରପଞ୍ଚ ଅନନ୍ତପୁର ଫାଣ୍ଡିରେ ଅଭିଯୋଗ କରିଥିବା ବେଳେ ଆକ୍ରମଣକାରୀ ଯୁବକ ଶ୍ରୀଧରକୁ ଗ୍ରାମବାସୀ କାବୁ କରି ଥାନାର ଜିମା ଦେଇଥିବା ଜଣାପଡି଼ଛି ।
ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ
