ବାଲେଶ୍ବର: BSKY ହେଲଥ କାର୍ଡ ବଣ୍ଟନକୁ ନେଇ ବାଲେଶ୍ବର ଜିଲ୍ଲା କଂଗ୍ରେସ (Balasore District Congress ) ସାମ୍ବାଦିକ ସମ୍ମିଳନୀ । ଜିଲ୍ଲାର ସ୍ବାସ୍ଥ୍ୟ ସେବାର ଭିତ୍ତିଭୂମି ନ ଥିବାବେଳେ ରାଜ୍ୟ ସରକାର କେବଳ ଲୋକଙ୍କୁ ଭୂଆଁ ବୁଲାଉଛନ୍ତି ବୋଲି କଂଗ୍ରେସ କହିଛି ।
ବାଲେଶ୍ଵରରେ ସ୍ମାର୍ଟ ହେଲଥ କାର୍ଡ (BSKY Smart Health card) ମୁଖ୍ୟମନ୍ତ୍ରୀ ବାଣ୍ଟିବା ପରେ ଏହାକୁ ନେଇ ଜିଲ୍ଲା କଂଗ୍ରେସ ଏକ ସାମ୍ବାଦିକ ସମ୍ମିଳନୀ ଜରିଆରେ ସ୍ବାସ୍ଥ୍ୟସେବା ସମ୍ବନ୍ଧୀୟ ପ୍ରଶ୍ନ କରିଛି । ଜିଲ୍ଲା କଂଗ୍ରେସ ସଭାପତି ସଞ୍ଜୀବ ଗିରି କହିଛନ୍ତି ଯେ, ବାଲେଶ୍ଵର ଜିଲ୍ଲାର ସବୁ ଡାକ୍ତରଖାନାରେ ଡାକ୍ତର ନାହାନ୍ତି, ICU ବେଡର ପର୍ଯ୍ୟାପ୍ତ ବ୍ୟବସ୍ଥା ନାହିଁ । ଜିଲ୍ଲାରେ ସ୍ବାସ୍ଥ୍ୟସେବା ସାଧାରଣଲୋକ ପାଇବାରେ ଅନେକ ସମୟରେ ବ୍ୟତିକ୍ରମ ଦେଖିବାକୁ ମିଳୁଛି । ସ୍ବାସ୍ଥ୍ୟ ଭିତ୍ତିଭୂମି ସଜାଡ଼ିବା ବଦଳରେ ସ୍ମାର୍ଟ ହେଲଥ କାର୍ଡ ବାଣ୍ଟିବାର କିଛି ମୂଲ୍ୟ ନାହିଁ ବୋଲି କଂଗ୍ରେସ କହିଛି ।
ସୂଚନାଥାଉକି, ଗତକାଲି (ଶୁକ୍ରବାର) BSKY ହେଲଥ କାର୍ଡ ବଣ୍ଟନ ନେଇ ବାଲେଶ୍ବର ଜିଲ୍ଲା ଗସ୍ତ କରିଥିଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଜିଲ୍ଲାରେ ହେଲଥ କାର୍ଡ ବଣ୍ଟନର ଶୁଭାରମ୍ଭ କରିଥିଲେ । ଏହାକୁ ଉଭୟ କଂଗ୍ରେସ ଓ ବିଜେପି ବିରୋଧ କରିଛନ୍ତି ।
ବାଲେଶ୍ବରରୁ ଜୀବନଜ୍ୟୋତି ନାୟକ, ଇଟିଭି ଭାରତ
