ବାଲେଶ୍ଵର: ଜିଲ୍ଲା ଅବକାରୀ ବିଭାଗର ମୋବାଇଲ ୟୁନିଟ ପକ୍ଷରୁ ଚଢ଼ାଉ କରାଯାଇ ବିପୁଳ ମଦ ଜବତ ସହ ଦୁଇ ଜଣଙ୍କୁ ଗିରଫ କରାଯାଇଛି। ଏହାସହ ସେମାନେ ବ୍ୟବହାର କରିଥିବା କାର ମଧ୍ୟ ଜବତ କରିଛି ବିଭାଗ। ଖନ୍ତାପଡ଼ା ଅଞ୍ଚଳରେ ମୋବାଇଲ ୟୁନିଟ ପକ୍ଷରୁ ପାଟ୍ରୋଲିଂ ଚାଲିଥିବା ବେଳେ ଏକ କାରରେ ଚୋରାଦେଶୀ ମଦ ବାଲେଶ୍ବରରୁ ସୋର ଚାଲାଣ ହେଉଥିବା ଖବର ମିଳିଥିଲା ।
50 ହଜାର ଟଙ୍କାର ଦେଶୀମଦ ଜବତ, 2 ଗିରଫ
ଖନ୍ତାପଡ଼ା ଓଭର ବ୍ରିଜ ନିକଟରେ କାରଟିକୁ ଯାଞ୍ଚ କରିବାରୁ ସେଥିରୁ ବିପୁଳ ଦେଶୀମଦ ଦେଖିବାକୁ ମିଳିଥିଲା। ସେଥିରୁ 8 ବସ୍ତା ଦେଶୀମଦ ଜବତ କରିଥିଲା ଅବକାରୀ ମୋବାଇଲ ୟୁନିଟ। ଜବତ ମଦର ଆନୁମାନିକ ମୂଲ୍ୟ 50 ହଜାର ଟଙ୍କା ହେବ ବୋଲି ଜଣାପଡିଛି।
ଗିରଫ ଦୁଇଜଣ ନକୁଳ କର ଓ ରତିକାନ୍ତ ବେହେରା ବୋଲି ଜଣାପଡିଛି। ଚାଲାଣରେ ବ୍ୟବହୃତ କାର ଜବତ କରିଛି ଅବକାରୀ ମୋବାଇଲ ୟୁନିଟ। ଏହି ଚଢ଼ାଉରେ ମୋବାଇଲ ୟୁନିଟ ଇନ୍ସପେକ୍ଟର ଉଦେଲାଲ ନାୟକ ଓ ତାଙ୍କ ଟିମ ସାମିଲ ହୋଇଥିଲେ।
ବାଲେଶ୍ବରରୁ ଜୀବନଜ୍ୟୋତି ନାୟକ, ଇଟିଭି ଭାରତ
