ବାଲେଶ୍ବର: ଚର୍ଚ୍ଚିତ ନ୍ୟାସନାଲ ହେରାଲ୍ଡ ମାମଲାରେ କଂଗ୍ରେସ ସଭାନେତ୍ରୀ ସୋନିଆ ଗାନ୍ଧୀଙ୍କୁ ପ୍ରବର୍ତ୍ତନ ନିର୍ଦ୍ଦେଶାଳୟର (ED) ଜେରାକୁ କଂଗ୍ରେସ ବିରୋଧ କରିଛି । ବାଲେଶ୍ବର ସହରର ସିନେମା ଛକ ସହିଦ ପାର୍କ ନିକଟରେ ଜିଲ୍ଲା କଂଗ୍ରେସ ପକ୍ଷରୁ ସତ୍ୟାଗ୍ରହ ଆନ୍ଦୋଳନ କରାଯାଇଛି ।
ସୋନିଆ ଗାନ୍ଧୀଙ୍କୁ ED ଜେରା ନେଇ ବାଲେଶ୍ବରରେ କଂଗ୍ରେସର ବିକ୍ଷୋଭ
କେନ୍ଦ୍ର ସରକାର ବିଭିନ୍ନ ପ୍ରକାର ଦୁର୍ବଳତାକୁ ଲୁଚେଇବାକୁ ଯାଇ କଂଗ୍ରେସ ଉପରେ ଆକ୍ରୋଶମୂଳକ ଭାବେ ଅତ୍ୟାଚାର କରୁଛନ୍ତି ବୋଲି ଜିଲ୍ଲା କଂଗ୍ରେସ ସଭାପତି ସଞ୍ଜୀବ ଗିରିଙ୍କ ଅଭିଯୋଗ କରିଛନ୍ତି । ରାହୁଲ ଗାନ୍ଧୀଙ୍କୁ ଜେରା ପରେ ସୋନିଆ ଗାନ୍ଧୀଙ୍କ ଉପରେ ରାଗ ସୁଝାଇବା ପାଇଁ କେନ୍ଦ୍ର ସରକାର ଚେଷ୍ଟା କରୁଥିବା କୁହାଯାଇଛି । ଦେଶରେ ସାମ୍ପ୍ରଦାୟିକ ହିଂସା ବଢୁଥିବା ବେଳେ ଭାରତରେ ଚୀନ ପ୍ରବେଶ କଲାଣି । ଏସବୁ ଉପରେ ଗୁରୁତ୍ୱ ନଦେଇ କେନ୍ଦ୍ର ସରକାର ନିଜର ଦୋଷ ଦୁର୍ବଳତା ଉପରୁ ନଜର ହଟାଇବା ପାଇଁ ଏଭଳି ପଦକ୍ଷେପ ନେଉଥିବା ଅଭିଯୋଗ ହୋଇଛି।
ଇଟିଭି ଭାରତ, ବାଲେଶ୍ବର
