ବାଲେଶ୍ବର: ବ୍ରାଉନସୁଗାର ଚାଲାଣ ବେଳେ 2 ଜଣ ଗିରଫ । ଦୁଇ ଅଭିଯୁକ୍ତଙ୍କୁ ଗିରଫ କରିଛି ସହଦେବଖୁଣ୍ଟା ଥାନା ପୋଲିସ। ସେମାନଙ୍କ ନିକଟରୁ କାର ସହ ବ୍ରାଉନ ସୁଗାର ଜବତ କରାଯାଇଛି। ଜବତ ବ୍ରାଉନସୁଗାରର ମୂଲ୍ୟ ପାଖାପାଖି 4 ଲକ୍ଷ ଟଙ୍କା ହେବ ବୋଲି ଜଣାପଡିଛି ।
ଭିଡିଓ ସୌଜନ୍ୟ: ସମ୍ବାଦଦାତା, ବାଲେଶ୍ବର
ପୋଲିସ ସୂଚନା ଅନୁସାରେ, ଗତକାଲି(ଶନିବାର) ସନ୍ଧ୍ୟାରେ ସହରର ଅରଡ ବଜାରରୁ ବ୍ରାଉନସୁଗାର ନେଇ କୋଣାର୍କ ବାହାରିଥିଲେ ଦୁଇ ଅଭିଯୁକ୍ତ । ଏ ସମ୍ପର୍କରେ ଖବର ପାଇ ସହଦେବଖୁଣ୍ଟା ପୋଲିସ ହରିପୁର ଛକ ନିକଟରୁ ଅଭିଯୁକ୍ତଙ୍କୁ କାବୁ କରିଥିଲା। ସେମାନଙ୍କ ନିକଟରୁ 40 ଗ୍ରାମର ବ୍ରାଉନସୁଗାର, 3ଟି ମୋବାଇଲ, ନଗଦ 4 ହଜାର ଟଙ୍କା ଓ ଏକ ହ୍ୟୁଣ୍ଡାଇ କାର ଜବତ କରିଛି ପୋଲିସ।
ଗିରଫ ଅଭିଯୁକ୍ତ ଦୁଇଜଣ ହେଲେ କୋଣାର୍କ ଅଞ୍ଚଳର ଦିଲ୍ଲୀପ କାଣ୍ଡି ଓ କଟକ ବକ୍ସି ବଜାର ଅଞ୍ଚଳର ସୁଜିତ ମିଶ୍ର । ଗିରଫ ପରେ ଦୁଇଜଣଙ୍କୁ କୋର୍ଟ ଚାଲାଣ କରାଯାଇଛି ।
ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ
