ବାଲେଶ୍ବର: ପଦାରେ ପଡିଲା ସହଦେଵଖୁଣ୍ଟା ପୋଲିସର ନିଷ୍କ୍ରିୟତା । କାର୍ଯ୍ୟରତ ସୁରକ୍ଷା କର୍ମୀଙ୍କୁ ଆକ୍ରମଣ ଘଟଣାକୁ ୧୨ ଦିନ ପୂରିଥିଲେ ସୁଦ୍ଧା ଏ ଯାଏଁ ମିଳି ପାରିନି ନ୍ୟାୟ । ଏଭଳି ଘଟଣାରେ ଦେଖିବାକୁ ମିଳିଛି ବାଲେଶ୍ବର ଜିଲ୍ଲା ସହଦେବ ଥାନା ଅନ୍ତର୍ଗତ ଫୁଲାଡି ପୋଲ ନିକଟରେ । ଏନେଇ ବାଲେଶ୍ବର ଜିଲ୍ଲା ବିଜେପି ରାଜରାସ୍ତାକୁ ଓହ୍ଲାଇବା ସହ ନ୍ୟାୟ ଦାବିରେ ଥାନା ଘେରାଉ କରିଛି ।
ସୁରକ୍ଷା କର୍ମୀଙ୍କୁ ନ୍ୟାୟ ଦାବିରେ ଥାନା ଘେରାଉ କଲା ବିଜେପି
ସୂଚନାନୁସାରେ ସେପ୍ଟମ୍ବର ୨୫ ତାରିଖରେ ଫୁଲାଡି ପୋଲ ନିକଟରେ ଜଣେ କାର୍ଯ୍ୟରତ ସୁରକ୍ଷାକର୍ମୀଙ୍କୁ ମରଣାନ୍ତକ ଆକ୍ରମଣ ହୋଇଥିଲେ ସୁଦ୍ଧା ଏହି ଘଟଣାରେ ଏଯାଏଁ ଚୁପ୍ ବସିଛି ପୋଲିସ ପ୍ରଶାସନ । ତେବେ ଦୋଷୀଙ୍କ ବିରୋଧରେ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରାଯାଇ ନଥିବାରୁ ଥାନାର ଭାରପ୍ରାପ୍ତ ଅଧିକାରୀଙ୍କୁ ବଦଳି ପାଇଁ ଦାବି ହୋଇଛି।
ବାଲେଶ୍ବରରୁ ଜୀବନଜ୍ୟୋତି ନାୟକ, ଇଟିଭି ଭାରତ
