ବାଲେଶ୍ବର: ବେପରୁଆ ଗାଡି ଚାଳନା ଯୋଗୁ ଶେଷରେ ଭାଙ୍ଗିଲା କାର ଓ ମାଡ଼ ଖାଇଲେ ଡ୍ରାଇଭର। ଏମିତି ଘଟଣା ଘଟିଛି ବାଲେଶ୍ଵର ସହଦେଵଖୁଣ୍ଟା ଥାନା ଅଞ୍ଚଳରେ।
ମହଙ୍ଗା ପଡିଲା ବେପରୁଆ ଗାଡି ଚାଳନା: କାର୍ ଭାଙ୍ଗିଲେ ଉତ୍ତ୍ୟକ୍ତ ଲୋକେ
ଏକ କାର ନୂଆବଜାରରୁ ଫାଣ୍ଡି ଛକ ଆଡ଼କୁ ଦ୍ରୁତ ଗତିରେ ଆସୁଥିବା ବେଳେ କାରଟି ପ୍ରଥମେ ଇଲେକ୍ଟ୍ରୀ ଖୁଣ୍ଟ ଏବଂ ଅନ୍ନପୂର୍ଣ୍ଣା ଫାଷ୍ଟ ଫୁଡ୍ ଉପରକୁ ମାଡି ଯାଇଥିଲା । ଫଳରେ ଦୋକାନରେ ଥିବା ବିଭିନ୍ନ ଆସବାବପତ୍ର ନଷ୍ଟ ହୋଇଯୋଇଥିଲା ।
ଏହାକୁ ନେଇ ସ୍ଥାନୀୟ ଲୋକମାନେ ଉତ୍ତ୍ୟକ୍ତ ହୋଇ କାର ଡ୍ରାଇଭରଙ୍କୁ ନିଦ୍ଧୁମ ମାଡ଼ ମାରିବା ସହ କାରଟିକୁ ଭାଙ୍ଗିରୁଜି ପକାଇଥିଲେ । ପରେ ସହଦେବ ଖୁଣ୍ଟା ଥାନା ପୋଲିସ ଘଟଣାସ୍ଥଳରେ ପହଞ୍ଚି ଚାଳକଙ୍କୁ ଉତ୍ତ୍ୟକ୍ତ ଲୋକଙ୍କଠାରୁ ଉଦ୍ଧାର କରିଥିଲା ।
ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ
