ବାଲେଶ୍ବର: ଜଣେ ଜଣାଶୁଣା ବାବାଙ୍କ ଭକ୍ତ କହି ମହିଳାଙ୍କ ପାଖରୁ ଲକ୍ଷାଧିକ ଟଙ୍କା ମୂଲ୍ୟର ସୁନା ଅଳଙ୍କାର ଲୁଟ। ଏମିତି ଚାଞ୍ଚଲ୍ୟକର ଅଭିଯୋଗ ଆସିଛି ବାଲେଶ୍ଵର ଜିଲ୍ଲା ଜଳେଶ୍ବର ବଡବଜାର ଟାଉନ ହାଇସ୍କୁଲ ସାମ୍ନାରେ ।
ଲୁଟର ଶିକାର ହୋଇଥିବା ମହିଳାଙ୍କ ଅଭିଯୋଗ ଅନୁସାରେ, ବାଇକରେ ୪ଜଣ ଯୁବକ ବଡବଜାର ଟାଉନ ହାଇସ୍କୁଲ ସାମ୍ନାରେ ତାଙ୍କୁ ଜଣେ ଜଣାଶୁଣା ବାବାଙ୍କ ଭକ୍ତ ବୋଲି କହିବା ସହ ଏସବୁ ଗହଣା ପିନ୍ଧିଲେ ତାଙ୍କ ସନ୍ତାନର ମୃତ୍ଯୁ ହୋଇଯିବ ବୋଲି କହିଥିଲେ । ତେବେ ମହିଳା ଜଣଙ୍କ ଏଥିରେ ପ୍ରଭାବିତ ହୋଇ ଗହଣା ସବୁ ଖୋଲି ଦେଇଥିଲେ । ଏହି ସମୟରେ ଦୁର୍ବୃତ୍ତମାନେ ସବୁତକ ଗହଣା ଝାମ୍ପି ନେଇ ସେଠାରୁ ଚମ୍ପଟ ମାରିଥିଲେ ବୋଲି ଅଭିଯୋଗ କରିଛନ୍ତି ଉକ୍ତ ମହିଳା । ଏନେଇ ଜଳେଶ୍ବର ପୋଲିସ ସିସିଟିଭି ଫୁଟେଜ ଯାଞ୍ଚ କରିବା ସହ ଅଧିକ ତଦନ୍ତ ଆରମ୍ଭ କରିଛି ।
ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ
