ବାଲେଶ୍ବର: ଜିଲ୍ଲା ଅବକାରୀ ମୋବାଇଲ ଟିମ ଆଜି(ରବିବାର) ୨ଟି ସ୍ଥାନରେ ଚଢାଉ କରାଯାଇ ୧୪୦୦ଲିଟର ଦେଶୀ ମଦ ଜବତ କରିଛି । ଏହି ନିଶା କାରବାରରେ ବ୍ୟବହୃତ ହେଉଥିବା ଗୋଟିଏ ବୋଲେରୋ ଗାଡ଼ିକୁ ଜବତ କରିବା ସହିତ ଜଣଙ୍କୁ ଗିରଫ କରିଥିବା ସୂଚନା ମିଳିଛି ।
ବାଲେଶ୍ବରରୁ ବିପୁଳ ମଦ ଜବତ, ଜଣେ ଗିରଫ
୧୪୦୦ଲିଟର ଦେଶୀ ମଦ ଓ ୬୦୦୦ ଲିଟର ପୋଚ ସହିତ ଏକ ୪ଚକିଆ ଯାନ ଜବତ କରାଯାଇଛି । ନୀଳଗିରି ଥାନା ସିଆଡି଼ମାଳ ଜଙ୍ଗଲ ଭିତରେ ଚାଲିଥିବା ଦେଶୀ ମଦ କାରଖାନା ଉପରେ ସ୍ଥାନୀୟ ଥାନା ପୋଲିସ ସହଯୋଗ ନେଇ ଭ୍ରାମ୍ୟମାଣ(ମୋବାଇଲ) ଅବକାରୀ ପୋଲିସ ଦଳ ଚଢାଉ କରିଥିଲେ । ଚଢାଉ ବେଳେ ୬୦୦୦ ଲିଟର ପୋଚ ଓ ୨୦୦ଲିଟର ଦେଶୀମଦ ଜବତ ହୋଇଥିବା ଜଣାପଡ଼ିଛି।
ଅନ୍ୟ ଏକ ମୋବାଇଲ ଅବକାରୀ ଟିମ ବେଗୁନିଆ ନିକଟସ୍ଥ ହିନ୍ଦୁସ୍ଥାନ ପେଟ୍ରୋଲ ପମ୍ପ ସମ୍ମୁଖ ୧୬ନଂ ଜାତୀୟ ରାଜପଥରେ ଯାଉଥିବା ବୋଲେରୋକୁ ଅଟକାଇ ସେଥୁରୁ ୧୨୦୦ ଲିଟର ଦେଶୀ ମଦ ଜବତ କରିଥିବା ଜଣାପଡ଼ିଛି । ବୋଲେରୋ ଚାଳକକୁ ଅବକାରୀ ପୋଲିସ ଗିରଫ କରିଛି ।
ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ
