ବେଙ୍ଗାଲୁରୁ: ଇନଫୋସିସ୍ କର୍ମଚାରୀଙ୍କ ପାଇଁ ବଡ଼ ଖବର । କର୍ମଚାରୀଙ୍କୁ ଏବେ ସପ୍ତାହରେ ଅତି କମରେ ତିନି ଦିନ ଅଫିସକୁ ଆସିବା ବାଧ୍ୟତାମୂଳକ କରାଯାଇଛି । ଦେଶର ଦ୍ୱିତୀୟ ବୃହତ୍ତମ ଆଇଟି (IT) କମ୍ପାନୀ ଖୁବଶୀଘ୍ର 3 ଦିନ ୱାର୍କ ଫ୍ରମ ଅଫିସ ବାଧ୍ୟତାମୂଳକ କରିବାକୁ ଯାଉଛି । ନିୟମିତ ଅଫିସ୍ ରୁଟିନ୍ ପୁନଃସ୍ଥାପନ ପାଇଁ ମ୍ୟାନେଜମେଣ୍ଟ ପକ୍ଷରୁ ବାରମ୍ବାର କଲ ଆସିବା ପରେ 3 ଦିନ ୱାର୍କ ଫ୍ରମ ଅଫିସ ବାଧ୍ୟତାମୂଳକ କରିବା ପାଇଁ ନିର୍ଦ୍ଦେଶ ଆସିଛି । ମିଡିଆ ରିପୋର୍ଟ ଅନୁଯାୟୀ, ବେଙ୍ଗାଲୁରୁ ସ୍ଥିତ କମ୍ପାନୀର ମ୍ୟାନେଜମେଣ୍ଟ ପକ୍ଷରୁ ଏକ ଇମେଲରେ କୁହାଯାଇଛି ଯେ, ସପ୍ତାହରେ ଅତି କମରେ 3 ଦିନ ଅଫିସକୁ ଆସିବାକୁ ହେବ । ଏହା କର୍ମଚାରୀଙ୍କ ପାଇଁ ଖୁବଶୀଘ୍ର ବାଧ୍ୟତାମୂଳକ ହେବ ।
ସୂଚନା ଅନୁସାରେ, ଇନଫୋସିସ୍ ପୂର୍ବରୁ ପୂର୍ବରୁ ୱିପ୍ରୋ ଏବଂ ଟିସିଏସ୍ ୱାର୍କ ଫ୍ରମ ଅଫିସ ନୀୟମ ଲାଗୁ କରିଛନ୍ତି । ନିକଟରେ ୱିପ୍ରୋ କହିଥିଲା ଯେ, ପର୍ସନାଲ ସପୋର୍ଟ ଏବଂ ଇନୋବେସନରେ ଅଧିକ ଲାଭକୁ ସ୍ୱୀକୃତି ଦେଇ ଆମେ ବର୍ତ୍ତମାନ ଆମର ୱାର୍କ ପ୍ଲେସ ନୀତିର ବିକାଶରେ ପରବର୍ତ୍ତୀ ପଦକ୍ଷେପ ନେଉଛୁ । ସମସ୍ତ କର୍ମଚାରୀଙ୍କ ପାଇଁ 2023 ନଭେମ୍ବର 15 ତାରିଖ ଠାରୁ ସପ୍ତାହରେ ତିନି ଦିନ ଅଫିସରୁ କାର୍ଯ୍ୟ କରିବା ବାଧ୍ୟତାମୂଳକ ହୋଇଥିଲା । ସେପଟେ ଟିସିଏସ୍ କମ୍ପାନୀ ମଧ୍ୟ ଏହାର କର୍ମଚାରୀମାନଙ୍କୁ ସପ୍ତାହରେ ପାଞ୍ଚ ଦିନ ଅଫିସରେ କାମ କରିବାପ ପାଇଁ ନିର୍ଦ୍ଦେଶ ଦେଇଥିଲା ।
