ନୂଆଦିଲ୍ଲୀ: ଅନଲାଇନ ଖାଦ୍ୟ ଡେଲିଭରି ପ୍ଲାଟଫର୍ମ ଜୋମାଟୋ ଆସନ୍ତା ସେପ୍ଟେମ୍ବର ୧୭ ତାରିଖରୁ ଗ୍ରୋସରୀ ଡେଲିଭରି ସେବାକୁ ବନ୍ଦ କରିବାକୁ ଯାଉଛି । ତେବେ କିଛି ଗ୍ରାହକ ଅର୍ଡର ପୂରଣ କରିବା ପାଇଁ ଅଧିକ ସମୟ ନେଉଛନ୍ତି । କମ୍ପାନୀ ଏହା ମଧ୍ୟ କହିଛି ଯେ ଅନ୍ୟ ଏକ ଗ୍ରୋସରୀ ଡେଲିଭରି ସଂସ୍ଥା 'ଗ୍ରଫର୍ସ' ଉପରେ ବିନିଯୋଗ କଲେ ଘରୋଇ ଖାଦ୍ୟ ସାମଗ୍ରୀ ଡେଲିଭରି ଅପେକ୍ଷା ଏଥିରୁ ଅଂଶଧନକାରୀମାନେ ଅଧିକ ଲାଭବାନ ହେବ ବୋଲି ଆଶା କରାଯାଇଛି ।
ଘରକୁ ଗ୍ରୋସରୀ ସାମଗ୍ରୀ ଡେଲିଭରି ବନ୍ଦ କରିବା ସମ୍ପର୍କରେ ଜୋମାଟୋ ଅନ୍ୟ କମ୍ପାନୀକୁ ମନା କରିଛି । ଗ୍ରାହକଙ୍କୁ ସର୍ବୋତ୍ତମ ସେବା ଯୋଗାଇବା ସହିତ ଅଂଶୀଦାରମାନଙ୍କୁ ସର୍ବବୃହତ ଅଭିବୃଦ୍ଧି ସୁଯୋଗ ପ୍ରଦାନ କରିବାରେ କମ୍ପାନୀ ବିଶ୍ବାସ କରେ । ତେବେ ଜୋମାଟୋର ବର୍ତ୍ତମାନର ମଡେଲ୍ ବା ସୁବିଧା ଏହାକୁ ପୂରଣ କରିପାରୁନାହିଁ । ଏଣୁ କମ୍ପାନୀ ପାଇଲଟ୍ ଗ୍ରୋସରୀ ଡେଲିଭରି ସେବାକୁ ଆସନ୍ତା ସେପ୍ଟେମ୍ବର 17 ତାରିଖରୁ ବନ୍ଦ କରିବାକୁ ନିଷ୍ପତ୍ତି ନେଇଛି ବୋଲି କମ୍ପାନୀ ପକ୍ଷରୁ କୁହାଯାଇଛି ।
ଗ୍ରୋସରୀ ଷ୍ଟୋରରେ ରହୁଥିବା ସାମଗ୍ରୀଗୁଡିକରେ ଖୁବଶୀଘ୍ର ପରିବର୍ତ୍ତନ ଆସୁଛି, ଅର୍ଥାତ ନୂଆ ନୂଆ ଜିନିଷ ଆସୁଛି । ଷ୍ଟୋରର ଜିନିଷକୁ ବାରମ୍ବାର ପରିବର୍ତ୍ତନ କରାଯାଉଛି । ଏଥିଲାଗି ଗ୍ରାହକଙ୍କ ଅର୍ଡର ପୂରଣ ହେବାରେ ସମୟ ଲାଗୁଛି । ଗ୍ରାହକମାନେ ବାହାର ଦୋକାନରୁ ଜିନିଷ କ୍ରୟ କରୁଛନ୍ତି । ସେପଟେ Grofers ୧୦ ମିନିଟ ମଧ୍ୟରେ ଗ୍ରୋସରୀ ସାମଗ୍ରୀ ପହଞ୍ଚାଇବା ସେବା ଆରମ୍ଭ କରିବାକୁ ଯାଉଛି । ଏହି କମ୍ପାନୀ ଉପରେ ବିନିଯୋଗ କଲେ କମ୍ପାନୀର ଅଂଶଧନକାରୀଙ୍କୁ ଲାଭ ହେବ ବୋଲି ଜମାଟୋର ଜଣେ ମୁଖପାତ୍ର କହିଛନ୍ତି ।
ତେବେ ସୂଚନା ଥାଉ କି ଚଳିତ ବର୍ଷ ଜୁଲାଇ ମାସରେ ଜୋମାଟୋ ପାଇଲଟ ଗ୍ରୋସରୀ ଡେଲିଭରି ସେବା ଆରମ୍ଭ କରିଥିଲା । ଏହି ସେବା ମାଧ୍ୟମରେ ୪୫ ମିନିଟ ମଧ୍ୟରେ ଗ୍ରାହକଙ୍କୁ ନିକଟକୁ ସାମଗ୍ରୀ ପହଞ୍ଚାଇବା ପାଇଁ ଲକ୍ଷ୍ୟ ଧାର୍ଯ୍ୟ କରିଥିଲା କମ୍ପାନୀ ।
@PTI
