ନୂଆଦିଲ୍ଲୀ: ଟେଲିଭିଜନ ଗ୍ରାହକଙ୍କ ପାଇଁ ଖୁସି ଖବର। ଖୁବଶୀଘ୍ର ଦେଖିବାକୁ ମିଳିବ 'ସୋନି'ର ବେଷ୍ଟ ଆଣ୍ଡ ବିଗ ମାଷ୍ଟର ସିରିଜ ଜେଡ9ଜି 8 କେଏଚଡିଆର ଟିଭି । ଏହି ଆଣ୍ଡ୍ରଏଡ ଟିଭିର ଦାମ 49 ଲକ୍ଷ ଟଙ୍କା ରହିଛି । ଏହାର ଆକାର 98 ଇଞ୍ଚ ଓ ରିଜୋଲ୍ୟୁସନ 8 କେ।
ଏହି ଟିଭି ଆସନ୍ତା ଜୁନରେ ବଜାରକୁ ଆସୁଛି । କେବଳ ଏହା ନୁହେଁ, ସୋନି 2ରୁ 3 ପ୍ରକାର ଦାମି ମଡେଲର ଟିଭି ଲଞ୍ଚ କରିବାକୁ ଯୋଜନା ରଖିଛି । ମାଷ୍ଟର ସିରିଜ ଜେଡ9ଜି 8 ଏଚଡିଆର ଟିଭିର ଏକ ମଡେଲ 85 ଇଞ୍ଚର ଆସିଛି । ଏହାର ଦାମ ପାଖାପାଖି 9 ଲକ୍ଷ ଟଙ୍କା ରହିବ । ଏହା ଉଭୟ ଟିଭି ଓ ଆଣ୍ଡ୍ରଏଡରେ ଚାଲିବ । ହୋମକିଟ ଏବଂ ଏୟାରପ୍ଲେ 2ର ସପୋର୍ଟ ରହିଛି ।
8କେ ଆଣ୍ଡ୍ରଏଡ ଟିଭି ଗୁଡିକ ସହ ସୋନି ବିଭିନ୍ନ ପ୍ରକାର 4କେ ଆଣ୍ଡ୍ରଏଡ ଟିଭି ମଧ୍ୟ ଆଣିବାକୁ ଯାଉଛି । ଏସବୁ ଆସନ୍ତା ଜୁନରେ ବଜାରରେ ଏଣ୍ଟ୍ରି ମାରିବାବେଳେ ଏହା ବିଭିନ୍ନ ଆକାର ଓ ରିଜଲ୍ୟୁସନ ସହ ଉପଲବ୍ଧ ହେବ ।
