ନୂଆଦିଲ୍ଲୀ: ପୁଞ୍ଜି ବଜାରରେ ଖେଳିଯାଇଛି କୋରୋନା ଆତଙ୍କ । ଅସ୍ଥିର ସେୟାର ସୂଚକାଙ୍କ ଏବେ ଅଣାୟତ । ଗତ ସପ୍ତାହ ଠାରୁ କାରବାର ବେହାଲ । ଐତିହାସିକ ରେକର୍ଡ ହ୍ରାସ ଜାରି । ଏଥିଯୋଗୁଁ ଲକ୍ଷାଧିକ କୋଟି ହରାଇଲେଣି ନିବେଶକ ।
ବୁଧବାର ବଜାର ଖୋଲିବାର କେଇ ମିନିଟ ପରେ ଖସିଚାଲିଛି ସେନସେକ୍ସ ଓ ନିଫ୍ଟି । କାରବାର ଶେଷ ସୁଦ୍ଧା ବମ୍ବେ ଷ୍ଟକ ଏକ୍ସଚେଞ୍ଜର (ବିଏସଇ) 30 ସେୟାର ଉପରେ ଆଧାରିତ ସୂଚକାଙ୍କ ସେନସେକ୍ସ1,709.58 ପଏଣ୍ଟ ହ୍ରାସ ପାଇ 28,869.51 ରେ କାରବାର ବନ୍ଦ କରିଛି । ସେପଟେ ନ୍ୟାସନାଲ ଷ୍ଟକ ଏକ୍ସଚେଞ୍ଜର (ଏନଏସଇ) 50 ସେୟାର ଉପରେ ଆଧାରିତ ସୂଚକାଙ୍କ ନିଫ୍ଟି 498.25 ପଏଣ୍ଟ କମି 8468.80 ରେ କାରବାର ବନ୍ଦ କରିଛି ।
ଏପଟେ ଏଜିଆର ବକେୟା ମାମଲାରେ ସୁପ୍ରିମକୋର୍ଟଙ୍କ ନିର୍ଦ୍ଦେଶ ପରେ ଆଇଡିଆ, ଭୋଡାଫୋନ ଓ ଏୟାରଟେଲ ସେୟାର ଖସିଛି ।
HDFC ସିକ୍ୟୁରିଟି ଅନୁଯାୟୀ ବୁଧବାର ସୁନା ଦାମ 10 ଗ୍ରାମ ପିଛା 311 ଟଙ୍କା ବୃଦ୍ଧି ପାଇ 40,241 ଟଙ୍କାରେ ପହଞ୍ଚିଛି । ଯାହାକି ମଙ୍ଗଳବାର 39,930 ଟଙ୍କାରେ ବନ୍ଦ ହୋଇଯାଇଥିଲା
