ନୂଆଦିଲ୍ଲୀ. ଲକଡାଉନ ଏ ପରେ ବି ବଜାର ଉଛୁଳୁଛି । ସେୟାର ସୂଚକାଙ୍କ ଉପରମୁହାଁ ସହ ବୃଦ୍ଧି ପାଉଛି । ଲଗାତାର 3 ଦିନ ଧରି ବଜାର ସବୁଜ ସଙ୍କେତରେ ବନ୍ଦ ହୋଇଛି । ଏଥିପାଇଁ ନିବେଶକଙ୍କୁ ପ୍ରାୟ 4.5 ଲକ୍ଷ କୋଟି ଟଙ୍କା ପ୍ରଫିଟ ମିଳିଛି ।
ଗୁରୁବାର ବମ୍ବେ ଷ୍ଟକ ଏକ୍ସଚେଞ୍ଜ(ବିଏସଇ) 30 ସେୟାର ଉପରେ ଆଧାରିତ ସୂଚକାଙ୍କ ସେନସେକ୍ସ 1400 ପଏଣ୍ଟ ବଢି 29,946.77 ରେ ବନ୍ଦ ହୋଇଛି । ସେହିପରି ନ୍ୟାସନାଲ ଷ୍ଟକ ଏକ୍ସଚେଞ୍ଜ(ଏନଏସଇ)ର 50 ସେୟାର ଉପରେ ଆଧାରିତ ସୂଚକାଙ୍କ ନିଫ୍ଟି 323 ପଏଣ୍ଟ ଅଭିବୃଦ୍ଧି ସହ 8641.45 ରେ ବନ୍ଦ ହୋଇଛି ।
induslnd ବ୍ୟାଙ୍କ ସେନସେକ୍ସର ଶ୍ରେଷ୍ଠ ସେୟାର ରହିଥିଲା ବେଳେ ଏୟାରେଟଲ, ବଜାଜ ଫାଇନାନ୍ସ, ବଜାଜ ଅଟୋ, କୋଟକ ବ୍ୟାଙ୍କ, ଏଚୟୁଏଲ ସେୟାର ମଧ୍ୟ ଭଲ ପ୍ରଦର୍ଶନ କରିଛନ୍ତି ।
ଦେଶରେ 21 ଦିନ ଲକଡାଉନ ଘୋଷଣା ପରେ କୋରୋନା ଭାଇରସ ସଂକ୍ରମଣ ବ୍ୟାପିବାରେ ଲଗାମ ଲାଗିବ ବୋଲି ଆଶା ରହିଛି । ଏପଟେ ଏହାର ମୁକାବିଲା ପାଇଁ ସରକାର ମଧ୍ୟ 1 ଲକ୍ଷ 70 ହଜାରର ଆର୍ଥିକ ପ୍ୟାକେଜ ଘୋଷଣା କରିଛନ୍ତି । ଗରିବ, ମହିଳା, କର୍ମଚାରୀ, ସ୍ବାସ୍ଥ୍ୟକର୍ମୀଙ୍କୁ ଏଥିରେ ଆଶ୍ବସ୍ତି ଦିଆଯାଇଛି ।
ଆଗକୁ ଉଦ୍ୟୋଗ ଜଗତ ପାଇଁ ମଧ୍ୟ କିଛି ଖାସ ଘୋଷଣା ସରକାର କରିପାରନ୍ତି ବୋଲି କୁହାଯାଇଛି ।
