ମୁମ୍ବାଇ: ଅସ୍ଥିର ବଜାର । ବମ୍ପର ବୃଦ୍ଧି ସହ ଆରମ୍ଭ ବଜାରରେ ଜମିଲାନି କାରବାର । ହ୍ରାସ ବୃଦ୍ଧି ସହ ବନ୍ଦ ହୋଇଛି ସୋମବାର ବଜାର ।
ବମ୍ବେ ଷ୍ଟକ ଏକ୍ସଚେଞ୍ଜର 30 ସେୟାର ଆଧାରିତ ସୂଚକାଙ୍କ ସେନସେକ୍ସ 83.34 ପଏଣ୍ଟ ବୃଦ୍ଧି ପାଇ 34,370.58ରେ ବନ୍ଦ ହୋଇଛି । ଯେତେବେଳେ କି କାରବାର ଆରମ୍ଭରେ ଏହା 640 ପଏଣ୍ଟ ଉଛୁଳିବା ସହ ଉପରମୁହାଁ ରହିଥିଲ । ସେହିଭଳି ନ୍ୟାସନାଲ ଷ୍ଟକ ଏକ୍ସଚେଞ୍ଜର 50 ସେୟାର ଆଧାରିତ ନିଫ୍ଟି 25.30 ପଏଣ୍ଟ ବୃଦ୍ଧି ପାଇ 10,167.45ରେ କାରବାର ବନ୍ଦ କରିଛି ।
ସେନସେକ୍ସ ସେୟାରରେ 7 ପ୍ରତିଶତ ସର୍ବାଧିକ ଲାଭ ସହ ଇଣ୍ଡିସଇଣ୍ଡ ବ୍ୟାଙ୍କ ଆଗୁଆ ରହିଛି । ତା ପଛକୁ ଆକ୍ସିସ ବ୍ୟାଙ୍କ, ବଜାଜ ଫାଇନାନ୍ସ, , ଓଏନଜିସି, ଟାଇଟନ, ଇମ୍ଫୋସିସ ଓ ଟେକ ମହିନ୍ଦ୍ରା ରହିଛି ।
ରିଲାଏନ୍ସ ଇଣ୍ଡଷ୍ଟ୍ରିଜର ସେୟାର କାରବାର ମଧ୍ୟରେ ପାଖାପାଖୀ 3 ପ୍ରତିଶତ ମଜବୁତ ହୋଇଛି । ଯାହାକି 1 ବର୍ଷର ସର୍ବୋଚ୍ଚ ସ୍ତର ଛୁଇଁଥିଲା । ହେଲେ ପରେ ପୁଣି ଏଥିରେ ହ୍ରାସ ଦେଖିବାକୁ ମିଳିଛି ।
