ମୁମ୍ବାଇ: ପୁଣି ଆମେରିକା-ଚୀନ ତୁତୁ ମେ ମେ ଭିତରେ ଖସିଲା ବଜାର । ଟ୍ରେଡୱାର ଅନ୍ତ ହେବାକୁ ଥିଲେ ବି ଚୀନ ସାମଗ୍ରୀରୁ ଆମଦାନୀ ଶୁଳ୍କ ହଟାଇବାକୁ ପ୍ରସ୍ତୁତ ନାହିଁ ଆମେରିକା । ତେବେ ଏହାରି ଭିତରେ ବୁଧବାର ବଜାରରେ ଥଣ୍ଡା ପଡିଯାଇଛି । ଉଭୟ ସେନସେକ୍ସ ଓ ନିଫ୍ଟ ତଳମୁହାଁ ସହ କାରବାର ବନ୍ଦ କରିଛନ୍ତି ।
କାରବାର ଶେଷ ସୁଦ୍ଧା ବମ୍ବେ ଷ୍ଟକ ଏକ୍ସଚେଞ୍ଜର (ବିଏସଇ) 30 ସେୟାର ଉପରେ ଆଧାରିତ ସୂଚକାଙ୍କ ସେନସେକ୍ସ 79.90 ପଏଣ୍ଟ କମି 41,872.73 ରେ ବନ୍ଦ ହୋଇଛି । ସେହିଭଳି ନ୍ୟାସନାଲ ଷ୍ଟକ ଏକ୍ସଚେଞ୍ଜର (ଏନଏସଇ) 50 ସେୟାର ଉପରେ ଆଧାରିତ ସୂଚକାଙ୍କ ନିଫ୍ଟି 19 ପଏଣ୍ଟ ହ୍ରାସ ପାଇ 12,343.30 ରେ କାରବାର ବନ୍ଦ କରିଛି।
ତେବେ ସେନସେକ୍ସର 30 ସେୟାର ମଧ୍ୟରୁ 15ଟିରେ ଅଭିବୃଦ୍ଧି ଦେଖାଦେଇଛି । ହିରୋ ମୋଟର କ୍ୟାପ, ଟାଇଟନ, ଏସିଆନ ପେଣ୍ଟସ୍, ମାରୁତି, ମହିନ୍ଦ୍ରା ଆଣ୍ଡ ମହିନ୍ଦ୍ରା ସେୟାରରେ ସର୍ବାଧିକ ଅଭିବୃଦ୍ଧି ଦେଖାଦେଇଛି ।
ସେହିପରି ସେନସେକ୍ସର ହ୍ରାସ ସେୟାରରେ ଇଣ୍ଡସଇଣ୍ଡ ବ୍ୟାଙ୍କ, ଭାରତୀୟ ଷ୍ଟେଟ ବ୍ୟାଙ୍କ, ଇମ୍ଫୋସିସ, ପାୱରଗ୍ରୀଡ , ଏଚଡିଏଫସି ବ୍ୟାଙ୍କ ରହିଛି ।
