ମୁମ୍ବାଇ: ଘରୋଇ ସେୟାର ବଜାରରେ ଅଭିବୃଦ୍ଧି ଓ ବିଦେଶୀ ପାଣ୍ଠି ପ୍ରବାହ ମଧ୍ୟରେ ନିବେଶକଙ୍କ ଧାରଣା ମଜବୁତ ରହିଛି । ଫଳରେ ମଙ୍ଗଳବାର କାରବାର ଆରମ୍ଭରେ ଡଲାର ତୁଳନାରେ ଟଙ୍କା 16 ପଇସା ସୁଦୃଢ ହୋଇଛି । ଯାହା ଦ୍ବାରା ଟଙ୍କାର ବିନିମୟ ମୁଲ୍ୟ 75.87 ଟଙ୍କା ରହିଛି ।
ବିଦେଶୀ ମୁଦ୍ରା ଡିଲରଙ୍କ କହିବା ଅନୁଯାୟୀ ଅଶୋଧିତ ତୈଳ ଦାମ ହ୍ରାସ ହୋଇଥିବାରୁ ଘରୋଇ ମୁଦ୍ରା ବଜାରକୁ ସାହାରା ମିଳିଛି । ଯେଉଁଥିପାଇଁ ଡଲାର ଦୁର୍ବଳ ଓ ଅନ୍ୟ ବିଦେଶୀ ମୁଦ୍ରା ମଜବୁତ ହୋଇଛି ।
ସୋମବାର କାରବାର ଶେଷ ସୁଦ୍ଧା 1 ଡଲାର 76 ଟଙ୍କୈ 03 ପଇସା ରହିଥିଲା । ତେବେ ମଙ୍ଗଳବାର ମଧ୍ୟ ଡଲାର ସାମାନ୍ୟ ଦୁର୍ବଳ ହୋଇଛି ।
ଅନ୍ତରାଷ୍ଟ୍ରୀୟ ବଜାରରେ ବ୍ରେଣ୍ଟ ଅଶୋଧିତ ତୈଳ ଫ୍ୟୁଚର ବ୍ୟାରେଲ ପ୍ରତି 0.19 ପ୍ରତିଶତ ହ୍ରାସ ପାଇ 43 ଡଲାରରେ ପହଞ୍ଚିଛି।
