ନୂଆଦିଲ୍ଲୀ: ଘରୋଇ ସେୟାର ବଜାରରେ ପ୍ରଫିଟ ଓ ବିଦେଶୀ ପୁଞ୍ଜି ନିବେଶ ପ୍ରବାହ ବଢିବା ଦ୍ବାରା ଡଲାର ତୁଳନାରେ ଟଙ୍କା ମଜବୁତ ହୋଇଛି । ବୁଧବାର ଅନ୍ତରାଷ୍ଟ୍ରୀୟ ବିଦେଶୀ ମୁଦ୍ରା ବଜାରରେ ଟଙ୍କାର ବିନିମୟ ମୂଲ୍ୟ 3 ପଇସା ସୁଦୃଢ ରହିଛି । ଫଳରେ ଡଲାର ତୁଳନାରେ ଟଙ୍କା 72.84ରେ ବନ୍ଦ ହୋଇଛି । ଯାହାକି 11 ମାସର ସର୍ବୋଚ୍ଚ ସ୍ତର ।
6 ପ୍ରମୁଖ ମୁଦ୍ରା ତୁଳନାରେ ଡଲାର ଦୁର୍ବଳ ଯୋଗୁଁ ଟଙ୍କାକୁ ସମର୍ଥନ ମିଳିଛି । ଏହା ପୂର୍ବରୁ 2020 ମାର୍ଚ୍ଚ 2 ତାରିଖରେ ଟଙ୍କାର ବିନିମୟ ମୂଲ୍ୟ 72.89 ରହିଥିଲା । ମଙ୍ଗଳବାର ମଧ୍ୟ ଡଲାର ତୁଳନାରେ ଟଙ୍କା 9 ପଇସା ସୁଦୃଢ ହୋଇଥିଲା ।
ଏଥିମଧ୍ୟରେ 6 ପ୍ରମୁଖ ମୁଦ୍ରା ତୁଳନାରେ ଆମେରିକୀୟ ଡଲାର ସ୍ଥିତିକୁ ଦର୍ଶାଉଥିବା ଡଲାର ସୂଚକାଙ୍କ 0.03 ପ୍ରତିଶତ ଖସି 90.42 ରହିଛି ।
