ନୂଆଦିଲ୍ଲୀ: ଆଗକୁ ଗହଣା କିଣିବାକୁ ପ୍ଲାନ କରୁଛନ୍ତି କି ? ତେବେ ଆଉ ଅପେକ୍ଷା କରନ୍ତୁନାହିଁ । ଶୀଘ୍ର କରନ୍ତୁ । କାରଣ ଡିସେମ୍ବର ମାସ ସୁଦ୍ଧା 10 ଗ୍ରାମ ସୁନା 42 ହଜାର ଟଙ୍କା ଛୁଇଁବ । ଆମେରିକା ଚୀନ ମଧ୍ୟରେ ବାଣିଜ୍ୟ ଯୁଦ୍ଧ, କେନ୍ଦ୍ରୀୟ ବ୍ୟାଙ୍କରୁ ନିରନ୍ତର କ୍ରୟ ଏବଂ ଡଲାର ତୁଳନାରେ ଟଙ୍କାର ମୁଲ୍ୟ ଦୁର୍ବଳ ଆଦି ଯୋଗୁଁ ଚଳିତ ବର୍ଷ ଶେଷ ବେଳକୁ ସୁନା ଚଛା ଦାମରେ ବିକ୍ରି ହେବ ବୋଲି ବିଶେଷଜ୍ଞ କହିଛନ୍ତି ।
କମୋଟ୍ରେଣ୍ଡଜ ରିସର୍ଚ୍ଚର ସହ ପ୍ରତିଷ୍ଠାଚା (ସିଇଓ) ଭାନଶେଖର ଥିଆଗରାଜନ କହିଛନ୍ତି ଯେ, ମଧ୍ୟ ପ୍ରାଚ୍ୟ ରାଷ୍ଟ୍ରଗୁଡିକରେ ଭୌଗଳିକ ରାଜନୈତିକ ଅସ୍ଥିରତା ଯୋଗୁଁ ଆନ୍ତର୍ଜାତିକ କମୋଡିଟି ବଜାରରେ ସୁନା ମୁଲ୍ୟ ଆଉନ୍ସ ପିଛା 1650 ଡଲାର ରହିଛି ।
ଏପଟେ ଭାରତୀୟ ରିଜର୍ଭ ବ୍ୟାଙ୍କ ସୁନା କିଣା ଚାଲୁ ରଖିଛି । ଯେଉଁଥିପାଇଁ ଦାମ ବଢିବ ବୋଲି ଆଶା ରହିଛି । ପ୍ରକାଶ ଯେ, ଯେବେ ସୁନା ମୁଲ୍ୟ ଆଉନ୍ସ ପିଛା 1506 ଟଙ୍କା ରହିଥିଲା ସେହି ସମୟରେ ଭାରତୀୟ ବଜାରରେ ସୁନା ଦର 10 ଗ୍ରାମ ପିଛା 38,302 ଟଙ୍କା ଥିଲା ।
ଏନେଇ ମୋତିଲାଲ ଓସୱାଲ ଫାଇନାନ୍ସିଆଲ ସର୍ଭିସେସ ଉପସଭାପତି ନବନୀତ ଦାମାନି କହିଛନ୍ତି କି , ସୁନା କ୍ରୟ ପାଇଁ ଚଳିତ ବର୍ଷ ଏକ ଭଳ ବର୍ଷ । ତେବେ ଚାହିଦା ବୃଦ୍ଧି ଯୋଗୁଁ ଘରୋଇ ବଜାରରେ ସୁନା ଦାମ ପାଖାପାଖୀ 15 ପ୍ରତିଶତ ବଢିଛି । ସେପଟେ ଆମରୀୟ ଡଲାର ତୁଳନାରେ ଟଙ୍କାର ବିନିମୟ ମୁଲ୍ୟ 1.4 ପ୍ରତିଶତ ଖସିଥିବାରୁ ସୁନା ଦାମ ମଧ୍ୟ ବଢିବାରେ ଲାଗିଛି ।
