ନୂଆଦିଲ୍ଲୀ: ବୈଶ୍ବିକ ବଜାରରେ ସେଲଅଫ ମଧ୍ୟରେ ରାଷ୍ଟ୍ରୀୟ ରାଜଧାନୀ ଦିଲ୍ଲୀର ସରଫରା ବଜାରରେ ଗୁରୁବାର ମଧ୍ୟ କମିଛି ସୁନା ଦାମ । 10 ଗ୍ରାମ ପ୍ରତି ସୁନା ଦାମ 358 ଟଙ୍କା କମି 45,959 ଟଙ୍କା ରହିଛି । ଏଚଡିଏଫସି ସିକ୍ୟୁରିଟିଜ ଏ ନେଇ ସୂଚନା ଦେଇଛି ।
ପୂର୍ବ କାରବାର ଦିବସରେ ସୁନା ଦାମ 10 ଗ୍ରାମ ପ୍ରତି 46,313 ଟଙ୍କାରେ ବନ୍ଦ ହୋଇଥିଲା । ଅନ୍ୟପଟେ ଗୁରୁବାର ରୂପା ଦାମ 151 ଟଙ୍କା ବୃଦ୍ଧି ହୋଇ କିଲୋ ପ୍ରତି 69,159 ଟଙ୍କା ହୋଇଛି । ଯାହାକି ପୂର୍ବ କାରବାର ଦିବସରେ କିଲୋ ପିଛା 69,008 ଟଙ୍କା ଥିଲା ।
ଏଚଡିଏଫସି ସିକ୍ୟୁରିଟିଜର ବରିଷ୍ଠ ବିଶ୍ଲେଷକ (କମୋଡିଟି) ତପନ ପଟେଲ କହିଛନ୍ତି କି, ‘‘ ବୈଶ୍ବିକ ସ୍ତରରେ ସୁନାରେ ସେଲଅଫ କାରଣରୁ ଦିଲ୍ଲୀରେ 24 କ୍ୟାରେଟ ସୁନା ଦାମ 358 ଟଙ୍କା କମିଛି । ଅନ୍ତରାଷ୍ଟ୍ରୀୟ ବଜାରରେ ସୁନା ଦାମ ହ୍ରାସ ହୋଇ ଆଉନ୍ସ ପ୍ରତି 1,792 ଡଲାର ଅଛି । ଯେତେବେଳେ କି ରୂପା ଦାମ ସାମାନ୍ୟ କମି ଆଉନ୍ସ ପିଛା 27.56 ଡଲାରରେ କାରବାର କରୁଛି ।
