ନୂଆଦିଲ୍ଲୀ:ଗତ 4 ବର୍ଷରେ ଦେଶର ଷ୍ଟାର୍ଟଅପରେ ଚୀନ ନିବେଶ 12 ଗୁଣା ବୃଦ୍ଧି ହୋଇ 2019ରେ ଏହା 4.6 ଅରବ ଡଲାରରେ ପହଞ୍ଚିଛି । ଯାହାକି 2016ରେ 38.1 କୋଟି ଡଲାର ଥିଲା । ତଥ୍ୟ ଏବଂ ଏହାର ବିଶ୍ଳେଷଣରେ ଜଡିତ କମ୍ପାନୀ ଗ୍ଲୋବାଲ ଡାଟା ଅନୁଯାୟୀ, ଅଭିବୃଦ୍ଧି ଦୃଷ୍ଟିରୁ ସମ୍ଭାବନା ଥିବା ଅଧିକାଂଶ ଷ୍ଟାର୍ଟଅପ(Unicorns)କୁ ଚୀନ କମ୍ପାନୀ ଏବଂ ସେଠାର ନିବେଶ ୟୁନିଟର ସମର୍ଥନ ରହିଛି ।
Unicorns ସେହି ଷ୍ଟାର୍ଟଅପକୁ କୁହାଯାଇଥାଏ, ଯାହାର ମୁଲ୍ୟାଙ୍କନ 1 ଅରବ ଡଲାର କିମ୍ବା ତାଠାରୁ ଅଧିକ ରହିଥାଏ । ଡିଲ ହୋଇଥିବା ତଥ୍ୟର ଗ୍ଲୋବାଲ ଡାଟା ହିସାବରେ ଗତ 4 ବର୍ଷ ମଧ୍ୟରେ ଭାରତୀୟ ଷ୍ଟାର୍ଟଅପରେ ଚୀନ ପୁଞ୍ଜି ବିନିଯୋଗ 12 ଗୁଣା ବୃଦ୍ଧି ପାଇଛି । ଦେଶର ବହୁ Unicorn (24ରୁ 17)କୁ ଚୀନ କମ୍ପାନୀର ସମର୍ଥନ ମିଳୁଛି । ଏଥିରେ ଅଲିବାବା ଓ ଟେନସେଣ୍ଟ ମୁଖ୍ୟତଃ ସାମିଲ ରହିଛି ।
ଅଲିବାବା ଓ ତାର ସହଯୋଗୀ କମ୍ପାନୀ ସବୁ ଭାରତର ପେଟିଏମ, ସ୍ମାପଡିଲ, ବିଗ୍ବାସ୍କେଟ ଓ ଜୋମାଟୋ ଭଳି ଷ୍ଟାର୍ଟଅପରେ 2.6 ଅରବ ଡଲାର ନିବେଶ କରିଛନ୍ତି ।
