ନୂଆଦିଲ୍ଲୀ: ବ୍ୟାଙ୍କର ବଜାରରେ ରହିଥିବା ଋଣ ପରିମାଣ ଏପ୍ରିଲ 10 ସୁଦ୍ଧା 7.20 ପ୍ରତିଶତ ବଢି 103.39 ଲକ୍ଷ କୋଟିରେ ପହଞ୍ଚିଛି। ସେହିପରି ଏହି ଅବଧିରେ ବ୍ୟାଙ୍କରେ ଜମା ରାଶି 9.45 ପ୍ରତିଶତ ବୃଦ୍ଧି ପାଇ 137.14 ଲକ୍ଷ କୋଟି ଟଙ୍କା ରହିଛି । ଭାରତୀୟ ରିଜର୍ଭ ବ୍ୟାଙ୍କ ଏନେଇ ସୂଚନା ଦେଇଛି ।
1 ବର୍ଷ ପୂର୍ବେ ସମାନ ଅବଧିରେ ବ୍ୟାଙ୍କ ଋଣ 96.44 ଲକ୍ଷ କୋଟି ଟଙ୍କା ଓ ଜମା 125.30 ଲକ୍ଷ କୋଟି ଟଙ୍କାରେ ଥିଲା । ତଥ୍ୟ ଅନୁସାରେ 2020 ମାର୍ଚ୍ଚ 31 ଶେଷ ସୁଦ୍ଧା ବ୍ୟାଙ୍କ ଋଣ ବୃଦ୍ଧି ହ୍ରାସ ପାଇ 6.14 ପ୍ରତିଶତ ରହିଥିଲା । ଯାହାକି 50 ବର୍ଷର ସର୍ବନିମ୍ନ ହ୍ରାସ ।
ଧୀମା ଆର୍ଥିକ ଅଭିବୃଦ୍ଧି ,ଚାହିଦା ହ୍ରାସ ଓ ବ୍ୟାଙ୍କରେ ନେଣଦେଣ କମିବା ଯୋଗୁଁ ଋଣ ବୃଦ୍ଧି ଦର ମନ୍ଥର ହେଉଛି । ଏହା ପୂର୍ବରୁ 1962 ମାର୍ଚ୍ଚ 31ର ସୁଦ୍ଧା ବ୍ୟାଙ୍କ ଋଣ ବୃଦ୍ଧି ପାଇ 5.38 ପ୍ରତିଶତ ଥିଲା ।
2019-20 ଆର୍ଥିକ ବର୍ଷରେ ବ୍ୟାଙ୍କଗୁଡିକର ଜମା 7.93 ପ୍ରତିଶତ ବୃଦ୍ଧି ହୋଇ 135.71 ଲକ୍ଷ କୋଟିରେ ପହଞ୍ଚିଥିଲା । ଯାହାକି 1 ବର୍ଷ ପୂର୍ବେ 125.73 ଲକ୍ଷ କୋଟି ରହିଥିଲା।
