ନୂଆଦିଲ୍ଲୀ: ବିଶ୍ବ ଅର୍ଥ ବ୍ୟବସ୍ଥା ଅଭିବୃଦ୍ଧିରେ ଅଶୋଧିତ ତୈଳ ଦରଦାମରେ ସ୍ଥିରତା ଅତ୍ୟାବଶ୍ୟକ । ଏଥିପାଇଁ ତେଲ ଦାମରେ ନିୟନ୍ତ୍ରଣ ରଖିବାକୁ ପ୍ରୟାସ କରାଯାଉଛି । ଏହି ଧାରାରେ ଭାରତ ଓ ସାଉଦି ଆରବ ମଧ୍ୟରେ କ୍ରୟ-ବିକ୍ରୟ ସମ୍ବନ୍ଧ ଆହୁରି ଘନିଷ୍ଠ କରିବାକୁ ରଣନୀତି ତିଆରି ହେଉଛି । ସାଉଦି ଆରବ ଗସ୍ତରେ ଅବସରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ମଙ୍ଗଳବାର ସମାଚାର ପତ୍ର ଅରବ ନ୍ୟୁଜକୁ ଏକ ସାକ୍ଷାତକାର ଦେଇ ଏହି ସୂଚନା ଦେଇଛନ୍ତି ।
ଭାରତର ଉର୍ଜା ଚାହିଦା ପୂରଣ ପାଇଁ ସାଉଦି ଆରବର ଭୂମିକା ଭରସାଯୋଗ୍ୟ ବୋଲି ମୋଦି କହିଛନ୍ତି । ଏବେ ସାଉଦି ଆରବ ଭାରତର ତେଲ ଏବଂ ଗ୍ୟାସ ଶୋଧନ ଏବଂ ବିପଣନ (ଡାଉନଷ୍ଟ୍ରୀମ) ଯୋଜନାରେ ନିବେଶ କରିବାକୁ ଯାଉଛି ।
ଇରାନ ପରେ ଭାରତର ତେଲ ଚାହିଦା ସାଉଦି ଆରବ ପୂରଣ କରୁଛି । ଗତ ଆର୍ଥିକ ବର୍ଷ (2018-19)ରେ ସାଉଦି ଆରବ ଭାରତକୁ 4.03 କୋଟି ଟନ ଅଶୋଧିତ ତୈଳ ବିକ୍ରି କରିଥିଲା । ସେହି ସମୟରେ ଭାରତର ଆମଦାନୀ 20.73 କୋଟି ଟନ ରହିଥିଲା । ଭାରତ ତାର ଅଶୋଧିତ ତୈଳ ଚାହିଦାର 83 ପ୍ରତିଶତ ସାଉଦି ଅରବରୁ ଆମଦାନୀ କରିଥାଏ ।
ସୋମବାର ରାତିରେ ମୋଦି ସାଉଦି ଆରବରେ ପହଞ୍ଚିଥିଲେ । ଏଠାରେ ବହୁ ମହତ୍ବପୂର୍ଣ୍ଣ ଆର୍ଥିକ ସମ୍ମିଳନୀରେ ଯୋଗ ଦେବେ । ଏଠିସହ ଏଠାକାର ପ୍ରମୁଖ ଅଧିକାରୀଙ୍କ ସହ ଆଲୋଚନା ନେଇ କାର୍ଯ୍ୟକ୍ରମ ରହିଛି ।
ପ୍ରକାଶ ଯେ, ସାଉଦିର ଅରାମକୋ ହେଉଛି ବିଶ୍ବର ସର୍ବ ବୃହତ୍ତ ତୈଳ କମ୍ପାନୀ ସହ ସର୍ବାଧିକ ପ୍ରଫିଟ କମାଉଥିବା ତେଲ ଭଣ୍ଡାର । ଏବେ ଏହା ସେପ୍ଟେମ୍ବର 14ରେ ହୋଇଥିବା ଡ୍ରୋନ ଆକ୍ରମଣରୁ ମୁକୁଳିବାକୁ ପ୍ରୟାସ କରୁଛି । ଏହି ଆକ୍ରମଣ ଯୋଗୁଁ ଅରାମକୋର ଦୈନିକ ପ୍ରାୟ 57 ଲକ୍ଷ ବ୍ୟାରେଲ ଉତ୍ପାଦନ ପ୍ରଭାବିତ ହୋଇଥିଲା ।
