ନୂଆଦିଲ୍ଲୀ: କୋରୋନା ଭାଇରସ ମହାମାରୀ ଯୋଗୁଁ ସମଗ୍ର ଦେଶରେ ସେବା କ୍ଷେତ୍ରର ଗତିବିଧିରେ ତୀବ୍ର ହ୍ରାସ ଦେଖିବାକୁ ମିଳିଛି । ଲକଡାଉନ କଟକଣା ମଧ୍ୟରେ ସମସ୍ତେ ଘର ବନ୍ଦ ଯୋଗୁଁ ଚାହିଦା ଶୂନ ରହିଛି ।
ଆଇଏଚଏସ ମାର୍କିଟ ଭାରତ ସେବା କାରବାର ଗତିବିଧି ସୂଚକାଙ୍କ ମେ ମାସରେ 12.6 ପ୍ରତିଶତରେ ରହିଛି । ଏହି ମାସିକ ସର୍ବେକ୍ଷଣ ରିପୋର୍ଟ ବୁଧବାକ ପ୍ରକାଶ ପାଇଛି ।
ରିପୋର୍ଟ ମୁତାବକ, ଯଦିଓ ସୂଚକାଙ୍କ ଏପ୍ରିଲର ଅପ୍ରତ୍ୟାଶିତ 5.4 ଠାରୁ ଅଧିକ, ତଥାପି ଏହା କୋରୋନା ମହାମାରୀ ପୂର୍ବ ସ୍ତରଠାରୁ ବହୁତ କମ ଅଟେ । ସୂଚକାଙ୍କର ଏହି ସ୍ତର ସମଗ୍ର ଭାରତରେ ସେବା କ୍ଷେତ୍ରରେ ମାନ୍ଦାବସ୍ଥାର ପ୍ରବେଶକୁ ସଙ୍କେତ ଦେଉଛି ।
ଆଇଏଚଏସ ମାର୍କିଟ ଇଣ୍ଡିଆ ସର୍ଭିସେସ ପରଚେଜିଂ ମ୍ୟାନେଜର୍ସ ଇଣ୍ଡେକ୍ସ(ପିଏମଆଇ) ଅନୁସାରେ 50 ପଏଣ୍ଟରୁ ଅଧିକ ଅର୍ଥ ଗତିବିଧିରେ ବିସ୍ତାର , ଆଉ ଏହା ଠାରୁ କମ ଥିଲେ ହ୍ରାସକୁ ସୂଚାଇଥାଏ ।
ନୂଆ କାରବାର ବୃଦ୍ଧି ଓ ନିଯୁକ୍ତି ସୃଷ୍ଟିରେ ହ୍ରାସ ଏବଂ ଉତ୍ପାଦନ ଠପ ଯୋଗୁଁ ପିଏମଆଇ ଇଣ୍ଡେକ୍ସ ସ୍ତର ଧରାଶାୟୀ ହୋଇଛି ।
