ନୂଆଦିଲ୍ଲୀ: ଏସବିଆଇ ଗ୍ରାହକଙ୍କ ପାଇଁ ଖୁସିଖବର । ଏଟିଏମରୁ ଟଙ୍କା ଉଠାଣ ପାଇଁ ଆଉ ଦରକାର ପଡିବନି ଡେବିଟ କାର୍ଡ । ବାସ ଗୋଟିଏ ପାସୱାର୍ଡ କ୍ଲିକରେ ଆପଣଙ୍କ ହାତରେ ପହଞ୍ଚିବ ଟଙ୍କା । ଶୁକ୍ରବାର ଭାରତୀୟ ଷ୍ଟେଟ ବ୍ୟାଙ୍କ ଏ ନେଇ ସୂଚନା ଦେଇଛି ।
ଡେବିଟ କାର୍ଡ ନେବା ଆଣିବା ଝିନଝଟରୁ ମିଳିଲା ମୁକ୍ତି । କାର୍ଡଲେସରେ ମିଳିବ ଟଙ୍କା । ଏହା ଦ୍ବାରା ଆପଣଙ୍କୁ କାର୍ଡ ଭୁଲିବା କିମ୍ବା ରଖିବା ନେଇ କୌଣସି ଡର ରହିବ ନାହିଁ । ଏହାର ନାମ 'ୟୋନା କ୍ୟାସ' ରଖାଯାଇଛି । ତେବେ ଏଥିରେ ଟ୍ରାଞ୍ଜାକ୍ସନ ନେଇ ରହିଛି କିଛି ଲିମିଟ । ଦୈନିକ 2 ଥର ଲେଖାଏଁରେ 10 ହଜାରରୁ ଊର୍ଦ୍ଧ୍ବ ଟଙ୍କା ଉଠାଣ କରିପାରିବେ ନାହିଁ ।
ଏବେ ସୁଦ୍ଧା 16,500 ଏଟିଏମରଏ ଏହି ସୁବିଧା ଉପଲବ୍ଧ ରହିଛି । ଅନ୍ୟ ସବୁ ଏଟିଏମରେ ଏହି ସୁବିଧାର ଅପଡେଟ ହେଲା ପରେ ଆସନ୍ତା 3ରୁ 4 ମାସ ମଧ୍ୟରେ ସମଗ୍ର ଦେଶର 60,000 ଏଟିଏମରେ ଗ୍ରାହକ ଏହା ଜରିଆରେ ଟଙ୍କା ଉଠାଇପାରିବେ । ଏ ନେଇ ଏସବିଆଇ ଅଧ୍ୟକ୍ଷ ରଜନୀଶ କୁମାର ଜଣାଇଛନ୍ତି ।
କିପରି ପାଇବେ ଟଙ୍କା
- ୟୋନୋ ଆପ୍ ଡାଉନଲୋଡ କରନ୍ତୁ
- ନେଣଦେଣ ପାଇଁ 6 ଅଙ୍କ ବିଶିଷ୍ଟ ଏକ ପାସୱାର୍ଡ ଜେନେରେଟ କରନ୍ତୁ
- ଜେନେରେଟ ହୋଇଥିବା ପିନକୁ ଅଧଘଣ୍ଟା ମଧ୍ୟରେ ଆପଣ ବ୍ୟବହାର କରି ନିକଟସ୍ଥ ଏସବିଆଇ ଏଟିଏମକୁ ଯାଇ ଟଙ୍କା ଉଠାଇପାରିବେ ।
