ନୂଆଦିଲ୍ଲୀ: ପାର୍ବଣ ମାସରେ ଦରଦାମ ବୃଦ୍ଧି ହେଲେ ବି ଜମିଛି କିଣାବିକା । ତା ସାଙ୍ଗକୁ ବଢିଛି ଋଣର ପରିସର । ଜାଣି ଆଶ୍ଚର୍ଯ୍ୟ ହେବେ କେବଳ ଅକ୍ଟୋବର ମାସରେ ସରକାରୀ ବ୍ୟାଙ୍କ 2.5 ଲକ୍ଷ କୋଟି ଟଙ୍କା ଋଣ ବଣ୍ଟନ କରିଛି । ଋଣ ମେଳା ଜରିଆରେ ଏହାକୁ ସମ୍ଭବ କରାଯାଇଛି।
ଋଣ ନେବାକୁ ଇଚ୍ଛୁକ ଗ୍ରାହକଙ୍କ ପାଖରେ ପହଞ୍ଚିବା କାର୍ଯ୍ୟକ୍ରମ (ଋଣ ମେଳା ) ଜରିଆରେ ଏହି ଋଣ ଦିଆଯାଇଛି । ଅର୍ଥ ମନ୍ତ୍ରାଣଳୟ ଅଧିନରେ ଥିବା ଆର୍ଥିକ ସେବା ବିଭାଗ ଗୁରୁବାର ଏନେଇ ବୟାନ ଜାରି କରିଛି । ଏଥିରେ ଦର୍ଶାଯାଇଛି ଯେ, ଅକ୍ଟୋବରରେ ମୋଟ 2,52,589 କୋଟି ଟଙ୍କାର ଋଣ ଦିଆଯାଇଛି । ଏଥିରୁ 1.05 ଲକ୍ଷ କୋଟି ନୂଆ ଲୋନ ହୋଇଥିବା ବେଳେ 46,800 ନୂଆ କାର୍ଯ୍ୟଶୀଳ ପୁଞ୍ଜି ଋଣ ଭାବେ ଦିଆଯାଇଛି । ଏଭଳି ଭାବେ ମୋଟ ଋଣର ପ୍ରାୟ 60 ପ୍ରତିଶତ ଫ୍ରେସ ଲୋନ ରହିଛି ।
ଖର୍ଚ୍ଚ ବୃଦ୍ଧି ଓ ଅର୍ଥବ୍ୟବସ୍ଥାକୁ ଟ୍ରାକକୁ ଆଣିବା ପ୍ରୟସରେ ଅର୍ଥମନ୍ତ୍ରୀ ନିର୍ମଳା ସୀତାରମଣ ସେପ୍ଟେମ୍ବରରେ ବ୍ୟଙ୍କ ଜରିଆରେ ଗ୍ରାହକଙ୍କ ପାଖରେ ପହଞ୍ଚିବା ପାଇଁ ଶସ୍ତାରେ ଋଣ ଦେବାକୁ ନିର୍ଦ୍ଦେଶ ଦେଇଥିଲେ । ଏଥିପାଇଁ ଅକ୍ଟୋବରରେ ସମଗ୍ର ଦେଶର 374 ଜିଲ୍ଲାରେ ଋଣ ମେଳା ଆୟୋଜନ କରାଯାଇଥିଲା । ଏହା ମାଧ୍ୟମରେ ରେକର୍ଡ ସଂଖ୍ୟାକ ଋଣ ଦେବାକୁ ବ୍ୟାଙ୍କ ସକ୍ଷମ ହୋଇପାରିଛି।
