ମୁମ୍ବାଇ: ଦେଶର ବିଦେଶୀ ମୁଦ୍ରା ଭଣ୍ଡାର ଉପରମୁହାଁ । ମାର୍ଚ୍ଚ 19 ସମାପ୍ତ ସପ୍ତାହରେ ଭଣ୍ଡାର 23.3 କୋଟି ଡଲାର ବଢି 582.271 ଅରବ ଡଲାରରେ ପହଞ୍ଚିଛି । ଶୁକ୍ରବାର ଜାରି ଭାରତୀୟ ରିଜର୍ଭ ବ୍ୟାଙ୍କର ତଥ୍ୟରେ ଏ ନେଇ ସୂଚନା ଦିଆଯାଇଛି । ଏହା ପୂର୍ବରୁ ସପ୍ତାହରେ ବିଦେଶୀ ମୁଦ୍ରା ଭଣ୍ଡାର 1.74 ଅରବ ଡଲାର ବଢି 582.04 ଅରବ ଡଲାର ହୋଇଛି ।
ରିଜର୍ଭ ବ୍ୟାଙ୍କର ତଥ୍ୟ ଅନୁସାରେ ମାର୍ଚ୍ଚ 12 ରେ ସମାପ୍ତ ସପ୍ତାହରେ ବିଦେଶୀ ମୁଦ୍ରା ପରିସମ୍ପତ୍ତି (ଏଫସିଏ) ରେ ବୃଦ୍ଧି ହେବା ଯୋଗୁଁ ମୋଟ ବିଦେଶୀ ବିନିମୟ ଭଣ୍ଡାରରେ ବୃଦ୍ଧି ରେକର୍ଡ ହୋଇଛି । ବିଦେଶୀମୁଦ୍ରା ପରିସ୍ପତ୍ତି , ମୋଟ ବିଦେଶୀ ମୁଦ୍ରା ଭଣ୍ଡାରର ଗୁରୁତ୍ବପୂର୍ଣ୍ଣ ପାର୍ଟ ହୋଇଥାଏ ।
ରିଜର୍ଭ ବ୍ୟାଙ୍କର ସାପ୍ତାହିକ ତଥ୍ୟ ଅନୁସାରେ ସମୀକ୍ଷାଧୀନ ଅବଧିରେ ଏଫସିଏ 15.7 କୋଟି ଡଲାର ବଢି 541.18 ଅରବ ଡଲାର ହୋଇଛି । ଏଫସିଏକୁ ଡଲାରରେ ଦର୍ଶା୍ଯାଇଥାଏ । ହେଲେ ଏଥିରେ ୟୁରୋ, ପାଉଣ୍ଡ ଓ ୟେନ ଭଳି ଅନ୍ୟ ବିଦେଶୀ ସମ୍ପତ୍ତି ମଧ୍ୟ ସାମିଲ ହୋଇଥାଏ ।
ତଥ୍ୟ ଅନୁସାରେ ଲଗାତାର ଦ୍ବିତୀୟ ସପ୍ତାହ ସ୍ବର୍ଣ୍ଣ ଭଣ୍ଡାର ବଢିଛି । ଦେଶର ସ୍ବର୍ଣ୍ଣ ଭଣ୍ଡାରର ମୂଲ୍ୟ 8 କୋଟି ଡଲାର ବଢି 34.63 ଅରବ ଡଲାର ହୋଇଛି ।
