ନୂଆଦିଲ୍ଲୀ: ଆତ୍ମନିର୍ଭ ଭାରତ ପ୍ୟାକେଜ ଅଧିନରେ ଏମଏସଏମଇ ପାଇଁ ଘୋଷଣା ହୋଇଥିବା 3 ଲକ୍ଷ କୋଟି ଟଙ୍କାର ଏମରଜେନ୍ସି କ୍ରେଡିଟ ଲାଇନ ଗ୍ୟାରେଣ୍ଟି ସ୍କିମ (ଇସିଏଲଜିଏସ)ରେ ଆହୁରୀ ପରିବର୍ତ୍ତନ ଆଣିବାକୁ ସରକାର ପ୍ରସ୍ତୁତ । ଏ ନେଇ ଅର୍ଥମନ୍ତ୍ରୀ ନିର୍ମଳା ସୀତାରମଣ କହିଛନ୍ତି ।
କନଫେଡେରେସନ ଅଫ ଇଣ୍ଡିଆନ ଇଣ୍ଡଷ୍ଟ୍ରି (CII)ଅନୁସାରେ ଅର୍ଥମନ୍ତ୍ରୀ କହିଛନ୍ତି କି, ଘରୋଇ ରାଜସ୍ବ ଆଦାୟକୁ ନେଇ ବର୍ତ୍ତମାନ ସମୟରେ ଚିନ୍ତା ଘାରିଛି । କାରଣ କୋଭିଡ -19 ମହାମାରୀ ପର୍ଯ୍ୟଟନ, ରିଅଲ ଇଷ୍ଟେଟ୍, ହୋଟେଲ ଓ ଆତିଥ୍ୟ ଏବଂ ବିମାନ ସେବା ଉପରେ ବହୁତ ଖରାପ ପ୍ରଭାବ ପକାଇଛି।
ତେବେ ସିଆଇଆଇ ସଦସ୍ୟଙ୍କ ସହ ହୋଇଥିବା ବୈଠକରେ ସୀତାରମଣ କହିଛନ୍ତି କି, ଇନଫ୍ରାଷ୍ଟକ୍ଚର କ୍ଷେତ୍ରରେ ସୁଧାର ସରକାରଙ୍କ ଗୁରୁତ୍ବପୂର୍ଣ୍ଣ ପ୍ରାଥମିକତା । ଏଭଳି ପରିସ୍ଥିତିରେ ବ୍ୟାଙ୍କ ସମେତ କ୍ୟାବିନେଟ ଦ୍ୱାରା ଅନୁମୋଦିତ ବିନିବେଶ ପ୍ରସ୍ତାବ ଉପରେ ଏହା ଶୀଘ୍ର ଆଗକୁ ବଢିବ ।
ସରକାର ଚଳିତ ମାସ ଆରମ୍ଭରେ 3 ଲକ୍ଷ କୋଟି ଟଙ୍କା ଏମର୍ଜେନ୍ସି କ୍ରେଡିଟ ଲାଇନ ଗ୍ୟାରେଣ୍ଟି ସ୍କିମ (ECLGS) ର ପରିସର ବୃଦ୍ଧି କରି ବକେୟା ଋଣ ସୀମାକୁ ଦ୍ୱିଗୁଣିତ କରି 50 କୋଟି ଟଙ୍କାକୁ ବୃଦ୍ଧି କରିଛନ୍ତି।
ଏହା ସହିତ, ଏମଏସଏମଇ ବ୍ୟତୀତ, ଏଥିରେ ବ୍ୟକ୍ତିଗତ ବୃତ୍ତିଧାରୀ ଯେଭଳି ଡାକ୍ତର, ଆଇନଜୀବୀ ଏବଂ ଚାର୍ଟାର୍ଡ ଆକାଉଣ୍ଟାଣ୍ଟଙ୍କୁ ବ୍ୟବସାୟ ଉଦ୍ଦେଶ୍ୟରେ ଦିଆଯାଉଥିବା ଋଣକୁ ମଧ୍ୟ ଏହି ସୁବିଧା ଅଧିନରେ ନିଆଯାଇଛି । ଆତ୍ମନିର୍ଭରଶୀଳ ଭାରତ ପ୍ୟାକେଜ ଅଧୀନରେ ECLGS ଘୋଷଣା କରାଯାଇଛି ।
