ନୂଆଦିଲ୍ଲୀ: ଗୁରୁବାର ଫିଚ ରେଟିଂ ଭାରତର ଆର୍ଥିକ ଦୃଷ୍ଟିକୋଣକୁ ସ୍ଥିରରୁ ନକରାତ୍ମକରେ ବଦଳାଇଛି । ଯାହାକି 8 ବର୍ଷରେ ପ୍ରଥମଥର ହୋଇଛି ।
କୋଭିଡ-19 ମହାମାରୀ ଯୋଗୁଁ ଏ ବର୍ଷ ଦେଶର ଅଭିବୃଦ୍ଧି ହ୍ରାସ ପାଇପାରେ । ଏଥିସହ ସରକାରଙ୍କ ଉପରେ ଋଣ ବୋଝ ବୃଦ୍ଧି ଚ୍ୟାଲେଞ୍ଜ ସୃଷ୍ଟି ହୋଇପାରେ ବୋଲି ଏଜେନ୍ସି ଆକଳନ କରିଛି ।
ଫିଚ ପୂର୍ବରୁ ମୁଡିସ ମଧ୍ୟ ଏ ମାସର ଆରମ୍ଭରେ ଦେଶର ରେଟିଂ କମ କରି ସର୍ବନିମ୍ନ ନିବେଶ ଶ୍ରେଣୀ ‘ବିଏଏ2’ରେ ରଖିଦେଇଥିଲା ।
ରେଟିଂ ଏଜେନ୍ସି ଏକ ବିବୃତ୍ତିରେ କହିଛି କି, ‘‘ଫିଚ ରେଟିଂ ଭାରତର ଦୀର୍ଘମିଆଦୀ ଦୃଷ୍ଟିକୋଣକୁ ସ୍ଥିରରୁ ନକାରାତ୍ମକକୁ ବଦଳାଇ ଦେଇଛି । ଏଥିସହ ଭାରତର ରେଟିଂ 'ବିବିବି ମାଇନସ୍' ହୋଇଛି ।
ଫିଚ ଅନୁମାନ କରିଛି କି ଚଳିତ ଆର୍ଥିକ ବର୍ଷ ଶେଷ ସୁଦ୍ଧା ଭାରରତର ଅର୍ଥବ୍ୟବସ୍ଥା 5 ପ୍ରତିଶତ ପର୍ଯ୍ୟନ୍ତ ସଙ୍କୁଚିତ ହେବ । ଏହାର କାରଣ ହେଉଛି କୋରୋନା ଯୋଗୁଁ ମାର୍ଚ୍ଚ 25ରୁ ଦେଶରେ ଲାଗୁ ହୋଇଛିବା ଲକଡାଉନ । ଯେଉଁଥିପାଇଁ ଲମ୍ବା ସମୟ ଧରି ଆର୍ଥିକ ଗତିବିଧି ଠପ ରହିଥିଲା ।
ତେବେ 2020-21ରେ ଦେଶର ଅର୍ଥବ୍ୟବସ୍ଥା ସୁଧୁରି 9.5 ପ୍ରତିଶତ ହାରର ବୃଦ୍ଧି ପାଇବ ବୋଲି ଏଜେନ୍ସି ଆକଳନ କରିଛି ।
