ନୂଆଦିଲ୍ଲୀ: ଏ ବର୍ଷ ଭାରତରେ ପର୍ଯ୍ୟାପ୍ତ ବୃଦ୍ଧି ହେବ ବୋଲି ଜର୍ମାନୀର ଲକ୍ଜରୀ କାର ନିର୍ମାତା ମର୍ସଡିଜ ବେଂଜ ଆଶା ରଖିଛି । ଏଥିସହ 15 ନୂଆ ମଡେଲ ଆଣିବ ବୋଲି କମ୍ପାନୀ କହିଛି ।
କମ୍ପାନୀର ଜଣେ ଶୀର୍ଷ ଅଧିକାରୀ କହିଛନ୍ତି କି, ଗତ ବର୍ଷର ଶେଷ ତ୍ରୟମାସିକ ସମୟରେ ଦେଖାଯାଇଥିବା ବୃଦ୍ଧି ଆଗକୁ ଜାରି ରହିବା ଅନୁମାନ ରହିଛି । ତେବେ କମ୍ପାନୀ ଅନୁସାରେ ୟୁରୋପରେ ଯୋଗାଣ ବାଧାପ୍ରାପ୍ତ ଯୋଗୁଁ ଭାରତରେ ଏହାର 2018ର ଉଚ୍ଚତମ ସ୍ତର ପୁଣି 2021ରେ ହିଁ ହାସଲ ହୋଇପାରିବ ।
ମର୍ସଡିଜ ବେଂଜ ଇଣ୍ଡିଆର ପରିଚାଳକ ନିର୍ଦ୍ଦେଶକ ଓ ସିଇଓ ମାର୍ଟିନ ଶ୍ବନେକ କହିଛନ୍ତି କି ‘‘ ମୋଟ ଦେଖିବାକୁ ଗଲେ ଆମେ ଆକଳନ କରିପାରିବା କି ଚତୁର୍ଥ ତ୍ରୟମାସରେ ଯେଉଁ ଗତି ଦେଖାଯାଉଛି ତାହା ଜାରି ରହିବ । କୋଭିଡ-19 ମାମାଲା ହ୍ରାସ ସହ ସ୍ଥିତି ସ୍ବାଭାବିତ ହୋଇଯାଇଛି । ଆମେ ଆମର ସମସ୍ତ ରେଞ୍ଜରେ ବହୁତ ମଜବୁତ ଚାହିଦା ଦେଖିଛୁ । ’’
ସେ କହିଛନ୍ତି କି, ପାର୍ବଣ ସିଜନ ସହ ଦେଖିବାକୁ ମିଳିଥିବା ଚାହିଦା 2021ରେ ଜାରି ରହିବ ।
