ନୂଆଦିଲ୍ଲୀ: ନିକଟରେ ଜଣେ ବ୍ୟାଙ୍କ କର୍ମଚାରୀଙ୍କ ଉପରେ ହୋଇଥିବା ଆକ୍ରମଣକୁ ଦର୍ଶାଇ ଅର୍ଥ ମନ୍ତ୍ରାଳୟ କହିଛି କି ସରକାର ବ୍ୟାଙ୍କ କର୍ମଚାରୀଙ୍କ ସୁରକ୍ଷା ପାଇଁ ପ୍ରତିଶ୍ରୁତିବଦ୍ଧ । ଏହି ଘଟଣାରେ ସାମିଲ ବ୍ୟକ୍ତିଙ୍କ ବିରୋଧରେ ତୁରନ୍ତ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ମନ୍ତ୍ରାଳୟ କହିଛି ।
ଚଳିତ ସପ୍ତାହର ଆରମ୍ଭରେ ମହାରାଷ୍ଟ୍ର ୱାର୍ଦ୍ଧା ଜିଲ୍ଲାରେ ଭାରତୀୟ ଷ୍ଟେଟ ବ୍ୟାଙ୍କ (ଏସବିଆଇ)ର କର୍ମଚାରୀଙ୍କ ଉପରକୁ ଆକ୍ରମଣ ଖବର ଆସିଥିଲା ।
ଏହା ପୂର୍ବରୁ ମଧ୍ୟ ଗୁଜୁରାଟର ସୁରତରେ ଜଣେ ପୋଲିସ କନେଷ୍ଟବଳ କାନାଡା ବ୍ୟାଙ୍କର ଜଣେ ମହିଳାଙ୍କ ସହ ଦୁର୍ବ୍ୟବହାର କରିଥିଲେ । ଏପରିକି ତାଙ୍କ ପାସବୁକ ପ୍ରିଣ୍ଟ କରାଯାଇନଥିବାକୁ କର୍ମଚାରୀଙ୍କୁ ଉକ୍ତ କନେଷ୍ଟବଳ ଧକ୍କା ଦେଇଥିଲେ ।
ଏସବୁ ଘଟଣାକୁ ଦୃଷ୍ଟିରେ ରଖି ବିତ୍ତୀୟ ସେବା ବିଭାଗ ଟ୍ବିଟ କରି କହିଛି କି , ୱାର୍ଦ୍ଧା ଶାଖାର କର୍ମଚାରୀ ଅମୋଲ ବେଧମଙ୍କ ସହ ହୋଇଥିବା ଆକ୍ରମଣ ଘଟଣା ନିନ୍ଦନୀୟ । ବରିଷ୍ଠ ବ୍ୟାଙ୍କ ଅଧିକାରୀ ସ୍ଥାନୀୟ ଅଧିକାରୀଙ୍କ ସମ୍ପର୍କରେ ଅଛନ୍ତି । ସେ ସମ୍ପୁର୍ଣ୍ଣ ସହଯୋଗର ଆଶ୍ବସନା ଦେଇଛନ୍ତି । ଆଇନ ଅନୁସାରେ ଶୀଘ୍ର କାର୍ଯ୍ୟାନୁଷ୍ଠାନ କରାଯିବ । ସରକାରବ୍ୟାଙ୍କ କର୍ମଚାରୀଙ୍କ ସୁରକ୍ଷା ପାଇଁ ପ୍ରତିଶ୍ରୁତିବଦ୍ଧ ଅଟନ୍ତି । ’’
