ନୂଆଦିଲ୍ଲୀ: କୋଭିଡ-19 ମହାମାରୀ କାଳରେ ରୋଜଗାର ହରାଇଥିବା ଲୋକଙ୍କ ସହଯୋଗ ପାଇଁ ଫେଡରାଲ ବ୍ୟାଙ୍କ ଏକ ବିଶେଷ ପଦକ୍ଷେପ ନେଇଛି । ବ୍ୟାଙ୍କ କେରଳ ଶାଖାରେ ଏଭଳି 400 ଲୋକଙ୍କୁ 18,000 ଟଙ୍କା ମାସିକ ଦରମାରେ ଅସ୍ଥାୟୀ ଚାକିରୀ ଦେଇଛି ।
ଫେଡରାଲ ବ୍ୟାଙ୍କର ମୁଖ୍ୟ ମାନବ ସମ୍ଭଳ ଅଧିକାରୀ ଅଜିତ କୁମାର କେକେ କହିଛନ୍ତି କି, ଏହି ଲୋକଙ୍କୁ ‘କୋଭିଡ ୱାର୍ଡେନ’ ର ପଦ ଦିଆଯାଇଛି । ବ୍ୟାଙ୍କ ଶାଖାରେ ହେଉଥିବା ଭିଡକୁ ସମ୍ଭାଳିବା ଓ ଲୋକଙ୍କୁ ମାସ୍କ-ସାନିଟାଇଜର ଉପଲବ୍ଧ କରିବା ହେଉଛି ଏମାନଙ୍କ କାମ ।
କେକେ କହିଛନ୍ତି କି, ଜୀବିକା ଉପଲବ୍ଧ କରିବା ସମ୍ବନ୍ଧୀୟ ଏହି ପ୍ରକଳ୍ପ 2020 ଅଗଷ୍ଟରେ କର୍ପୋରେଟ ସାମାଜିକ ଦାୟିତ୍ବବୋଧ (ସିଏସଆର) ଅଧିନରେ ଆରମ୍ଭ କରାଯାଇଛି । ଏହା ଏବେ ବି ଜାରି ରହିଛି । ତେବେ ଏହା ଅସ୍ଥାୟୀ ରୋଜଗାର , ପୂର୍ଣ୍ଣକାଳୀନ ଚାକିରୀ ନୁହେଁ ।
