ୱାଂଶିଟନ: କମୁଛି ଦୁନିଆର 2 ମହାଶକ୍ତି ଆମେରିକା ଓ ଚୀନ ମଧ୍ୟରେ ବିବାଦ । ମୁଦ୍ରା ହେରଫେର ନେଇ ଚୀନ ଉପରେ ଲଗାଇଥିବା ଆରୋପକୁ ପ୍ରତ୍ୟାହାର କରି ତିକ୍ତତାକୁ ସୁଧାରିଛି ଆମେରିକା । ତେବେ ଏହି 2 ଦେଶରେ ମଧ୍ୟରେ ଗଢିଉଠୁଥିବା ଏହି ସମ୍ପର୍କ ବିଶ୍ବ ଅର୍ଥନୀତିକୁ ସକରାତ୍ମକ ସଙ୍କେତ ଦେଇଛି ।
ନିକଟରେ ଆମେରିକା-ଚୀନ ବାଣିଜ୍ୟ ଯୁଦ୍ଧର ଅନ୍ତ ପାଇଁ ଚୁଡାନ୍ତ ପ୍ରସ୍ତୁତି ଚାଲିଛି । ଡିସେମ୍ବରରେ ଦୁଇ ଦେଶ ମଧ୍ୟରେ ବ୍ୟବସାୟିକ ଚୁକ୍ତିର ପ୍ରଥମ ପର୍ଯ୍ୟାୟ ଚିଠା ଉପରେ ସହମତି ପ୍ରକାଶ ପାଇଛି। ଏହା ପୂର୍ବରୁ ଆମେରିକାର ଅର୍ଥ ବିଭାଗ ସଂସଦରେ ନିଜର ଅର୍ଦ୍ଧବାର୍ଷିକ ରିପୋର୍ଟରେ କହିଛନ୍ତି ଯେ, ଯୁଆନ(ଚୀନ ମୁଦ୍ରା) ମଜବୁତ ହୋଇଛି । ଏଥିସହ ଏବେ ଚୀନ ଆମ ମୁଦ୍ରାକୁ ହେରଫେର କରୁଥିବା ଦେଶ ରହିନାହିଁ ।
ତେବେ ଆମେରିକା ଅର୍ଥ ବିଭାଗ ମେ ମାସରେ ନିଜ ରିପୋର୍ଟରେ ଏହି ହେରଫେର ଲେବଲ ନ ଲଗାଇବାକୁ ନିଷ୍ପତ୍ତି ନେଇଥିଲା । ହେଲେ ଟ୍ରମ୍ପ ଅଗଷ୍ଟରେ ଆରୋପ ଲଗାଇଥିଲେ କି, ବ୍ୟବସାୟରେ ଚୀନ ଆଗକୁ ବଢିବା ପାଇଁ ଜାଣିଶୁଣି ନିଜ ମୁଦ୍ରାକୁ ଦୁର୍ବଳ କରିବାକୁ ଚେଷ୍ଟା କରୁଥିବା ।
ଚୀନର ଅଧିକାରୀମାନେ, ଅଗଷ୍ଟରେ ନିଜ ମୁଦ୍ରା ୟୁଆନକୁ ଡଲାର ତୁଳନାରେ 7 ରେ ଆଣିଦେଇଥିଲା । ଫଳରେ ସେୟାର ବଜାରେ ହଟଚମଟ ଦେଖା ଦେଇଥିଲା ।
