ନୂଆଦିଲ୍ଲୀ: ଖରିଫ ଫସଲ ଉପରେ 50 ପ୍ରତିଶତ ବଢିଲା ସର୍ବନିମ୍ନ ସହାୟକ ମୂଲ୍ୟ (ଏମଏସପି) । ଧାନ, ବାଜରା, ହରଡ ଏମଏସପି ବୃଦ୍ଧି ହୋଇଛି । ବୁଧବାର କ୍ୟାବିନେଟ ବେଠକରେ ଏମଏସପି ବୃଦ୍ଧି କରାଯିବାକୁ ନିଷ୍ପତ୍ତି ନିଆଯାଇଛି । ବୈଠକ ପରେ ଏନେଇ କେନ୍ଦ୍ର କୃଷିମନ୍ତ୍ରୀ ନରେନ୍ଦ୍ର ସିଂ ତୋମାର ସୂଚନା ଦେଇଛନ୍ତି ।
କେନ୍ଦ୍ରୀୟ କ୍ୟାବିନେଟ ବଜାର ଋତୁରେ 2021-22 ପାଇଁ ଖରିଫ ଫସଲ ଉପରେ ଏମଏସପିକୁ ଅନୁମତି ଦେଇଛି । ଖରିଫ ଫସଲ ପାଇଁ ଏମଏସପି ହାରାହାରି ବୃଦ୍ଧି 50 ପ୍ରତିଶତ ଉପରେ ରହିଛି । ତୋମାର କହିଛନ୍ତି କି, କୃଷକଙ୍କ କଲ୍ୟାଣ ପାଇଁ ଗତ 7 ବର୍ଷରେ ସରକାର ଅନେକ ନିଷ୍ପତ୍ତି ନେଇଛନ୍ତି । ଏହି ସିଜନରେ ଚାଉଳ କ୍ରୟ ଦ୍ବାରା 120 ଲକ୍ଷ କୃଷକ ଉପକୃତ ହୋଇଛନ୍ତି । ଡିବିଟି ପ୍ରକ୍ରିୟାରେ କୃଷକଙ୍କୁ ସିଧା ପେମେଣ୍ଟ ମିଳିଛି ।
ଧାନର ଏମଏସପି କ୍ବିଣ୍ଟାଲ ପ୍ରତି 1940 ଟଙ୍କାକୁ ବୃଦ୍ଧି । ଗତ ବର୍ଷ ଏହା କ୍ବିଣ୍ଟାଲ ପ୍ରତି 1868 ଟଙ୍କା ଥିଲା । ସେହିଭଳି ଗତ ବର୍ଷ ତୁଳନାରେ ସବୁଠୁ ଅଧିକ ବୃଦ୍ଧି ରାଶିର ଏମଏସପି ( କ୍ବିଣ୍ଟାଲ ପିଛା 452 ଟଙ୍କା) ବଢିଛି । ଏହା ପଛକୁ ହରଡ ଡାଲିର ଏମଏସପି ୬୨ ପ୍ରତିଶତ ଯାଏଁ ବୃଦ୍ଧି ହୋଇଛି । ଏଭଳି ଭାବେ ବାଜାରା କ୍ବିଣ୍ଟାଲ 2250 ଟଙ୍କା ଓ ମାଣ୍ଡିଆ, କପା, ବିରି ଆଦିର ଦାମ ବଢିଛି ।
ତେବେ କେନ୍ଦ୍ରୀୟ କ୍ୟାବିନେଟ ବୈଠକରେ ନିଆଯାଇଥିବା ନିଷ୍ପତ୍ତି ବିଷୟରେ ସୂଚନା ଦେଇ ପ୍ରକାଶ ଜାଭେଡକର ଓ ନରେନ୍ଦ୍ର ସିଂହ ତୋମାର କହିଛନ୍ତି କି, ଆଜି ବୈଠକରେ 3 ଗୁରୁତ୍ବପୂର୍ଣ୍ଣ ନିଷ୍ପତ୍ତି ନିଆଯାଇଛି ।
