ନୂଆଦିଲ୍ଲୀ: ଭାରତ ଆସିବ ପିଏନବି ଠକେଇର ମୁଖ୍ୟ ଅଭିଯୁକ୍ତ ନୀରବ ମୋଦି । ହଜାର କୋଟି ଠକେଇର ମାଷ୍ଟରମାଇଣ୍ଡ ନୀରବ ମୋଦିଙ୍କ ଭାରତ ପ୍ରତ୍ୟାପଣ ରାସ୍ତା ସଫା ହୋଇଛି । ସିବିଆଇ ଅନୁସାରେ ବ୍ରିଟେନ ଗୃହମନ୍ତ୍ରୀ ପ୍ରୀତି ପଟେଲ ନୀରବ ପ୍ରତ୍ୟାପଣକୁ ଗ୍ରୀନ ସିଗନାଲ ଦେଖାଇଛନ୍ତି । ପୂର୍ବରୁ ଲଣ୍ଡନ କୋର୍ଟ ପ୍ରତ୍ୟାପଣକୁ ମଞ୍ଜୁରୀ ଦେଇଥିଲେ ।
ପଞ୍ଜାବ ନ୍ୟାସନାଲ ବ୍ୟାଙ୍କର ପ୍ରାୟ 12 ହଜାର କୋଟି ଟଙ୍କା ଆତ୍ମସାତ କରି ଲଣ୍ଡନରେ ଯାଇ ଛପିରହିଥିଲେ ମୋଦି । ଏନେଇ ଲଣ୍ଡନ କୋର୍ଟରେ ମାମଲା ଚାଲିଥିଲା । ଫେବୃଆରୀରେ କୋର୍ଟ ନୀରବ ମୋଦି ବିରୋଧରେ ପର୍ଯ୍ୟପ୍ତ ପ୍ରମାଣ ରହିଥିବା ଜାଣିପାରିଥିଲା । ଏଥିଯୋଗୁଁ ବ୍ରିଟେନ କୋର୍ଟ ନୀରବ ମୋଦିଙ୍କ ମାନସିକ ସ୍ବାସ୍ଥ୍ୟ ଚିନ୍ତାକୁ ନେଇ ଦିଆଯାଇଥିବା ଡକ୍ୟୁମେଣ୍ଟକୁ ମଧ୍ୟ ଖାରଜ କରିଦେଇଛନ୍ତି ।
