ନୂଆଦିଲ୍ଲୀ: ପଳାତକ ଆର୍ଥିକ ଅପରାଧୀ ବିଜୟ ମାଲ୍ୟାଙ୍କୁ ବଡ ଝଟକା । ଭାରତ ପ୍ରତ୍ୟାର୍ପଣ ବିରୋଧରେ ଦାୟର ଯାଚିକା ଖାରଜ କଲେ ଲଣ୍ଡନ କୋର୍ଟ । ଏବେ ଭାରତ ଆଣିବା ବାଟ ଖୋଲିଛି ।
ଭାରତୀୟ ବ୍ୟାଙ୍କରୁ 9,000 କୋଟି ଟଙ୍କା ନେଇ ଫେରାର ହୋଇଥିବା ମାଲ୍ୟାଙ୍କୁ ଭାରତ ଯାଞ୍ଚ ଏଜେନ୍ସି ପଳାତକ ଘୋଷଣା କରିସାରିଛନ୍ତି । ତେବେ ଭାରତ ପ୍ରତ୍ୟାର୍ପଣ ବିରୋଧରେ ମାଲ୍ୟା ଚଳିତ ବର୍ଷ ଫେବୃଆରୀରରେ ଲଣ୍ଡନର ୱେଲ୍ସ ହାଇକୋର୍ଟରେ ଯାଚିକା ଦାୟର କରିଥିଲେ । ସୋମବାର ଏହା ଖାରଜ ହେବା ପରେ ଏବେ ମାଲ୍ୟାଙ୍କ ପାଖରେ ଆଉ ମାତ୍ର 14 ଦିନ ସମୟ ରହିଛି ।
ଏହି ମାମଲା ଏବେ ଲଣ୍ଡନ ଗୃହ ସଚିବ ପ୍ରୀତି ପଟେଲଙ୍କ ପାଖକୁ ପଠାଯିବ । ସେ ମାଲ୍ୟାଙ୍କ ଭାରତ ପ୍ରତ୍ୟର୍ପଣ ନେଇ ଶେଷ ନିଷ୍ପତ୍ତି ନେବେ ।
ଏହା ପୂର୍ବରୁ ମାଲ୍ୟାଙ୍କ ପାଖରେ ଗୋଟିଏ ବିକଳ୍ପ ରହିଛି । ସେ ଚାହିଁଲେ ହାକୋର୍ଟଙ୍କ ଶୁଣାଣୀ ବିରୋଧରେ ସୁପ୍ରିମକୋର୍ଟରେ ଅପିଲ କରିପାରିବେ । ଆଉ ଯଦି ସୁପ୍ରିମ କୋର୍ଟ ମଧ୍ୟ ଯାଚିକା ସ୍ବୀକାର କରିବେ ନାହିଁ ତେବେ ପୁଣି 28 ଦିନ ମଧ୍ୟରେ ଗୃହ ସଚିବଙ୍କୁ ପ୍ରତ୍ୟାପଣ ପତ୍ରରେ ହସ୍ତାକ୍ଷର କରିବାକୁ ପଡିବ ।
