ନୂଆଦିଲ୍ଲୀ: ଜମ୍ମୁ-କାଶ୍ମୀରରୁ ୩୭୦ ଧାରା ଉଚ୍ଛେଦର ପ୍ରଭାବ । ଭାରତ ଓ ପାକିସ୍ତାନ ବାଣିଜ୍ୟିକ ସମ୍ପର୍କରେ ପଡିଗଲା ପୂର୍ଣ୍ଣଚ୍ଛେଦ । ଏଣିକି ଆମଦାନୀ , ରପ୍ତାନୀ ସବୁ ବନ୍ଦ । ତେବେ ଜାଣନ୍ତୁ ପାକ୍ ଓ ଭାରତର ମଧ୍ୟରେ ଚାଲିଥିବା ବାଣିଜ୍ୟ ସମ୍ପର୍କରେ ପୂରା ତଥ୍ୟ ।
ଭାରତ, ପାକିସ୍ତାନ ଠାରୁ ଯେତିକି ଜିନିଷ ଆମଦାନୀ କରୁଥିଲା ତାର ଡବଲ ତାକୁ ରପ୍ତାନୀ ମଧ୍ୟ କରୁଥିଲା । 2018-19 ମଧ୍ୟରେ ଭାରତ ପାକ୍ ଠାରୁ 49.5 କୋଟି ଡଲାର ଜିନିଷ ଆମଦାନୀ କରିଥିଲା । ଯେତେବେଳେ କି 206.7 କୋଟିର ଜିନିଷ ରପ୍ତାନୀ କରିଛି । ଅର୍ଥାତ ପାକିସ୍ତାନ ତାର ଚାହିଦା ପୂରଣ ପାଇଁ ସର୍ବଦା ଭାରତ ଉପରେ ନିର୍ଭରଶୀଳ। 2014-15 ପରେ 2018-19ରେ ଭାରତ 49.5 ଡଲାର ଜିନିଷ ପାକିସ୍ତାନରୁ ଆଣିଥିଲା।
ପାକ ଠାରୁ କଣ ଆଣେ ଭାରତ ?
| ଜିନିଷ | ସାମଗ୍ରୀ ମୁଲ୍ୟ(କୋଟିର$) |
| ଖଣିଜ ଉତ୍ପାଦ | 241.3 |
| ପରିବା | 131.7 |
| ଟେକ୍ସଟାଇଲ ଓ ଟେକ୍ସଟାଇଲ ଆର୍ଟିକଲ୍ସ | 42.0 |
| କେମିକାଲ ଓ ଇଣ୍ଡଷ୍ଟ୍ରୀ ସମ୍ବନ୍ଧୀୟ ଉତ୍ପାଦ | 21.8 |
| ଚମଡା , ଲେଡର, ଘୋଡା ଚମାଡା, ଯାତ୍ରା ସମ୍ବନ୍ଧୀୟ ଜିନିଷ | 16.8 |
ଭାରତ ରପ୍ତାନୀ ମାମଲାରେ ପାକିସ୍ତାନକୁ ଗତ କିଛି ବର୍ଷ ତୁଳନାରେ 2018-19ରେ ଅଧିକ ପରିମାଣର ସାମଗ୍ରୀ ପଠାଇଛି । ପାଖାପାଖୀ 206.7 ଡଲାରର ସମଗ୍ରୀ ଭାରତ ପାକିସ୍ତାନକୁ ରପ୍ତାନୀ କରିଛି ।
ପାକକୁ କଣ ପଠାଏ ଭାରତ ?
| ଜିନିଷ | ସାମଗ୍ରୀ ମୁଲ୍ୟ(କୋଟିର$)- |
| କେମିକାଲ ଓ ଇଣ୍ଡଷ୍ଟ୍ରୀ ସମ୍ବନ୍ଧୀୟ ଉତ୍ପାଦ | 765.3 |
| ଟେକ୍ସଟାଇଲ ଓ ଟେକ୍ସଟାଇଲ ଆର୍ଟିକଲ୍ସ | 688.7 |
| ପ୍ଲାଷ୍ଟିକ ଓ ରବର | 167.8 |
| ପନିପରିବା | 143.8 |
| ମେସିନ, ଇଲେକ୍ଟ୍ରିକ ଉପକରଣ | 107.3 |
