ନୂଆଦିଲ୍ଲୀ: ଟେଲିକମ ସେବା ଉଦ୍ୟୋଗର ସକ୍ରିୟ ଗ୍ରାହକଙ୍କ ସଂଖ୍ୟା 2020 ଅକ୍ଟୋବର ମାସରେ ପ୍ରାୟ 25 ଲକ୍ଷ ବୃଦ୍ଧି ହୋଇ 96.1 କୋଟିରେ ପହଞ୍ଚିଛି । ଆଇସିଆଇସିଆଇ ସିକ୍ୟୁରିଟିଜ ଶୁକ୍ରବାରକୁ ଜାରି ଏହାର ସଦ୍ୟ ରିପୋର୍ଟରେ ଏ ନେଇ କହିଛି ।
ରିପୋର୍ଟ ମୁତାବକ ଶୁଳ୍କରେ ବୃଦ୍ଧି ଯୋଗୁଁ ସିମ ଓ ଏକୀକରଣର ପ୍ରଭାବ କମୁଛି । ଯାହା ଦ୍ବାରା ସକ୍ରିୟ କନେକ୍ସନର ସଂଖ୍ୟାରେ ବୃ୍ଦ୍ଧି ହୋଇଛି । ରିପୋର୍ଟରେ ଭାରତୀୟ ଦୂରସଞ୍ଚାର ନିୟାମକ କର୍ତ୍ତୃପକ୍ଷ (ଟ୍ରାଇ)ର ତଥ୍ୟ ଆଧାରରେ କୁହାଯାଇଛି କି, ଅକ୍ଟୋବର ମାସରେ ଭାରତୀ ଏୟାରଟେଲର ସକ୍ରିୟ ଗ୍ରାହକଙ୍କ ସଂଖ୍ୟା ପାଖାପାଖୀ 30 ଲକ୍ଷ ବୃଦ୍ଧି ପାଇ 32 କୋଟିରେ ପହଞ୍ଚିଛି ।
ମହାରାଷ୍ଟ୍ର (7 ଲକ୍ଷ) ଓ ଗୁଜୁରାଟ (5 ଲକ୍ଷ) ସର୍କିଲରେ ଭାରତୀ ଏୟାରଟେଲ ସର୍ବାଧିକ ଗ୍ରାହକ ଯୋଡିଛି । ସକ୍ରିୟ ଗ୍ରାହକଙ୍କ ଗଣନା ଭିଜିଟର ଲୋକେସନ ରେଜିଷ୍ଟର ର ଆଧାରରେ କରାଯାଇଥାଏ ।
ରିପୋର୍ଟ ଅନୁସାରେ ଅକ୍ଟୋବର ମାସରେ ସକ୍ରିୟ ଗ୍ରାହକଙ୍କ ସଂଖ୍ୟା ପ୍ରାୟ 25 ଲକ୍ଷ ବଢି 96.1 କୋଟିରେ ପହଞ୍ଚିଯାଇଛି । ଏଥିରେ ଜିଓର ସକ୍ରିୟ ଗ୍ରାହକଙ୍କ ସଂଖ୍ୟା 11 ଲକ୍ଷ ବୃଦ୍ଧି ପାଇ 31.9 କୋଟିରେ ପହଞ୍ଚିଛି । ସେହିଭଳି ଭୋଡାଫୋନ ଆଇଡିଆ ଲିମିଟେଡର ସକ୍ରିୟ ଗ୍ରାହକଙ୍କ ସଂଖ୍ୟାରେ ହ୍ରାସ ଜାରି ରହିଛି ।
